John 6 నుండి ప్రసిద్ధ బైబిల్ శ్లోకాలు

షేర్ చేయి

Tisheno Jisü no asheshu ghi pi, “Ni ye aküxüpu sho ke. Ilau ighi kemi ye khilemu müzüthimo nani, eno ipülü kemi ye khilemu tüghüthimo nani.

Aghungú no aküxü tsü cheni; ashi ye kiumu kihi akepu kühae. Ino nongu vilo pive keu tsaqo ye Aghungú eno aküxü no chhitoi ani.

Shipüsave chekeu chuqu ghenguno mülà kevilo, ikemu lhokta küxü kutó ngolu chekeu chuqu ghenguno mülà lo, tiye Timi Nu no nongu tsü nani. Kughengu Apù Alhou no pa shou pulobe mekhavae.”

Kughengu I Pù pulou ye Anu lau jupuku no pa pülülu kemi kümtsü lhokta küxü alu penikeu ke, eno ino ashekha tsalà lono panongu xüputhu nani.”

Jisü no khochile, “Alhou kümlà hu ye hike: pa no puwu keu shou pülübe nikeu.”

I Pù no itsü kemiqo kümtsü ilau ighi nani, eno khukhumu ilau ighi aye niye khilemu hapuwuvemo nani.

Simon Peter no pa khochile, “Ampeu, lhokta küxüpu tsaqo ogholo anike ningu ye khuu lau wuni kea?

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye ishì ke, tiye ino ayeghilomi pelo xülu penike ghenguno tsü niye akeu ke.”

Apù ipuwu keu no sasü ighitsümo ke thaqhülo timi khumu ilau ighi mülae, eno ashekha tsalà lo ino panongu xüputhu nani.

Kughengu Alhouʼw asho ye kungugha lono iqighi cheni eno ayeghilomi lau aküxüpu tsü chenie.”

Ni ye aküxüpu sho ke.

Tisheno Jisü no asho ikhilu, shikimthi tsü, eno iqa akemiqo no chunishi ke thaqhü kijétsü. Hitoi akha ghí kijétsü. Kughou panongu kümtsü no aghakiqishi chuve keno, Jisü no pa khopemiqo vilo pi, “Chuve no alá ipeghi keu munomughoqo kümtsü kumqolo. Lakhimu kilheve pe kevilo.”

Kughou panongu no mile küthü ngò bidí qhalo ashuka tuha ighi keno, Jisü no azü shou no alà chesü ashuka küdau ighi keu ithulu püzü panongu ye shishe müsàve. Ikemu Jisü no panongu vilo pi, “Ni ke; Müsà kevilo.”