བཀོད་པ། 35 నుండి ప్రసిద్ధ బైబిల్ శ్లోకాలు

షేర్ చేయి

ཡང་དཀོན་མཆོག་གིས་ཡ་ཀོབ་ལ་འདི་སྐད༌དུ། བདག་ནི་ཀུན་དབང་དཀོན་མཆོག༌ཡིན། ཁྱོད་ཀྱིས་རྒྱུད་དང་ལྡན་པར་གྱུར་ནས་མང་པོར་སྤེལ་བར༌བྱའོ། །ཁྱོད་ལས་རྒྱལ་ཁབ་ཅིག་དང་མི་རིགས་མང་དུ་འབྱུང༌ཞིང༌། ཁྱོད་རང་བརྒྱུད་ནས་རྒྱལ་པོ་རྣམས་ཀྱང་འབྱུང་བར་འགྱུར༌རོ།། བདག་གིས་ཨབ་ར་ཧམ་དང་ཨི་སཱག་ལ་སྤྲད་པའི་ས་ཆ་དེ་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་དག་ལ་སྦྱིན་པར་བྱ་ཞེས་གསུངས་པ༌དང༌།

ངེད་ཅག་ལངས་ནས་ཡར་པེད་ཨེལ་དུ་འགྲོ་བར༌བྱ། བདག་གིས་གནས་དེ་རུ་དཀོན་མཆོག་ལ་མཆོད་ཁྲི་ཞིག་བཞེང་བར་བྱ༌སྟེ། གང་ཡིན་ཟེར༌ན། བདག་ལ་སྡུག་བསྔལ་བྱུང་བའི་དུས༌སུ། བདག་གིས་གསོལ་བ་བཏབ་པར་གསན་པ༌དང༌། ལམ་ལ་ཆས་པའི་སྐབས་སུ་བདག་ལ་སྐྱབས་མཛད་མཁན་དེ་ཉིད་ཡིན་ཞེས་སྨྲས༌པས།

ཁྱོད་ཀྱི་མིང་དངོས་ལ་ཡ་ཀོབ་ཅེས་ཟེར༌ཞིང༌། ད་ནས་བཟུང་ཡ་ཀོབ་ཅེས་མི་འབོད་པར་ཡེས་ར་ཨེལ་ཞེས་འབོད་དགོས་ཞེས་གསུངས་པ་དང་ཡ་ཀོབ་ཀྱི་མིང་ལ་ཡེས་ར་ཨེལ་ཞེས༌བཏགས།

ཡ་ཀོབ་ཀྱིས་རང་གི་ཁྱིམ་མི་འཁོར་དང་བཅས་པ་ལ་འདི༌ལྟར། ཁྱོད་ཅག་གིས་ཁྱོད་རྣམས་ཀྱི་ཁྲོད་དུ་ཕྱི་རོལ་པའི་ལྷ་སྐུ་ཡོད་པ་ཐམས་ཅད་དོར༌ཅིག རང་ཉིད་གཙང་མར་བྱས་ནས་གྱོན་གོས་བརྗེ་བར༌གྱིས།

དེ་ནས་དཀོན་མཆོག་གིས་ཡ་ཀོབ་ལ་འདི་སྐད༌དུ། ཡར་ལོངས༌དང༌། པེད་ཨེལ་དུ་སོང་ནས་སྡོད༌ཅིག གནས་དེ་རུ་དཀོན་མཆོག་ལ་མཆོད་ཁྲི་ཞིག་བཞེང་བར་གྱིས། དཀོན་མཆོག་གང་ཞེ༌ན། དེ་སྔར་ཁྱོད་ནི་རང་གི་གཅེན་པོ་ཨེ་སཱབ་ལ་གཞའ་ནས་འབྲོ་བའི་དུས་སུ་ཁྱོད་ལ་མངོན་པ་དེ་ཉིད་ཡིན་ཞེས་གསུངས༌པས།

རཱ་ཧེལ་འཆི་ལ་ཉེ་ཞིང་ཁོ་མོའི་ཚེ་འཕོ་བར་རྩོམ་པའི་དུས༌སུ། ཁོ་མོས་རང་གི་བུའི་མིང་ལ་པེན་ཨོ་ནེ་ཞེས་བཏགས་ནའང་ཡ་ཀོབ་ཀྱིས་རང་གི་བུའི་མིང་ལ་པེན་ཡཱ་མེན་ཞེས་བཏགས༌སོ།།