ཨེ་ཅིབ་ནས་ཐོན་པ། 9 నుండి ప్రసిద్ధ బైబిల్ శ్లోకాలు

షేర్ చేయి

དོན་དམ་དུ་བདག་གི་ནུས་མཐུ་ཁྱོད་ལ་མངོན་པ་དང་། བདག་གི་མིང་ནི་གནམ་འོག་ཀུན་ཏུ་བསྒྲག་པའི་ཕྱིར་ཁྱོད་རང་དར་བར་བྱས་པ་ཡིན་མོད།

དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཕཱར་ཨོལ་གྱི་མདུན་དུ་སོང་ནས་ཁོ་ལ་འདི་ལྟར་ཤོད་དང་། ཨིབ་རི་པ་རྣམས་ཀྱི་དཀོན་མཆོག་ཡ་ཝཱེས་འདི་སྐད་དུ། ང་ལ་བསྙེན་བཀུར་བྱེད་པའི་ཆེད་དུ་ངའི་མི་རྣམས་འགྲོ་རུ་ཆུག་ཅེས་གསུངས།

ད་ལྟ་བདག་གིས་ལག་པ་བརྐྱངས་ཏེ་ནད་ཡམས་ཀྱིས་ཁྱོད་དང་ཁྱོད་ཀྱི་འབངས་མི་རྣམས་ལ་རྒོལ་བ་ཡིན་ན། ཁྱོད་རང་སྔར་ནས་ས་སྟེང་དུ་མེད་པར་གྱུར་པ་ཡིན།

ལྟོས་དང་། དཀོན་མཆོག་ཡ་ཝཱེའི་ཕྱག་གིས་ཁྱོད་ཀྱི་ཞིང་ལ་ཡོད་པའི་ཕྱུགས་ཟོག་སྟེ། རྟ་དང་། བོང་བུ་དང་། རྔ་མོང་དང་། བ་གླང་གི་ཁྱུ་དང་། ར་ལུག་གི་ཁྱུ་བཅས་ལ་ནད་ཡམས་ཤིན་ཏུ་ལྕི་མོ་ཞིག་འབྱུང་བར་མཛད། འོན་ཀྱང་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་ཕྱུགས་ཟོག་ནི་ཨེ་ཅིབ་པ་རྣམས་ཀྱི་ཕྱུགས་ཟོག་ལས་ལོགས་སུ་བཀར་ཏེ། ཡེས་ར་ཨེལ་པ་རྣམས་ལ་དབང་བའི་ཕྱུགས་ཟོག་ལས་གཅིག་ཀྱང་འཆི་བར་མི་འགྱུར་བའི་ཕྱིར་ཡིན་ཞེས་སྨྲ་དགོས་པར་གསུངས་སོ། །

ལྟོས་དང་། སང་ཉིན་གྱི་དུས་འདི་ཙམ་ལ་བདག་གིས་སེར་བ་ཆེན་པོ་ཞིག་འབབ་པར་བྱ་སྟེ། ཨེ་ཅིབ་ཡུལ་ཆགས་པའི་དུས་ནས་བཟུང་སེར་བ་དེ་འདྲ་བབས་མྱོང་མེད། ད་ལྟ་ཁྱོད་ཀྱིས་མི་མངགས་ནས་ཁྱོད་ཀྱི་ཕྱུགས་ཟོག་དང་། ཞིང་ལ་གང་ཡོད་པ་ཐམས་ཅད་ནང་ལ་བསྡུས་ཤིག ཞིང་ལ་བསྐྱུར་ཏེ་ནང་དུ་མ་བསྡུས་པ་མི་ཕྱུགས་གང་ཡིན་རུང་སེར་བ་དེའི་སྟེང་ལ་བབས་ནས་འཆི་བར་འགྱུར་ཞེས་སྨྲ་དགོས་པར་གསུངས་སོ། །

དུ་དྲེག་དེ་ནི་ཨེ་ཅིབ་ཡུལ་ཡོངས་སུ་རྡུལ་དུ་འགྱུར་ཞིང་། མི་ཕྱུགས་གཉིས་ཀྱི་ལུས་སྟེང་དུ་གཉན་འབུར་ཆུ་བུར་ཅན་དུ་འགྱུར་འོང་ཞེས་གསུངས་པ་ལ། མོ་ཤེ་དང་ཨ་རོན་གཉིས་ཀྱིས་དུ་དྲེག་བླངས་ནས་ཕཱར་ཨོལ་གྱི་མདུན་དུ་འགྲེང་སྟེ། མོ་ཤེ་ཡིས་དེ་གནམ་ལ་གཏོར་བ་ན། མི་ཕྱུགས་གཉིས་ཀྱི་ལུས་སྟེང་དུ་གཉན་འབུར་ཆུ་བུར་ཅན་དུ་གྱུར།