ཨེ་ཅིབ་ནས་ཐོན་པ། 15 నుండి ప్రసిద్ధ బైబిల్ శ్లోకాలు

షేర్ చేయి

ཁྱོད་ཅག་གིས་གཟབ་གཟབ་ངང་ཁྱོད་ཅག་གི་དཀོན་མཆོག་ཡ་ཝཱེའི་གསུང་སྐད་ལ་མཉན་ཏེ། ཁོང་གི་སྤྱན་སྔར་ལེགས་པོ་གང་ཡིན་དེ་སྤྱོད་ཅིང་། གཟབ་ནན་ངང་ཁོང་གི་བཀའ་རྣམས་ལ་མཉན་པ་དང་། སྒྲིག་ཁྲིམས་ཐམས་ཅད་བསྲུངས་ན། ངས་ཨེ་ཅིབ་པ་རྣམས་ལ་ཕོག་ཏུ་བཅུག་པའི་ནད་ཡམས་གང་ཡང་ཁྱོད་ཅག་ལ་འབྱུང་བར་མི་བྱ་སྟེ། ང་ནི་ཁྱོད་རང་གསོ་མཁན་ཡ་ཝཱེ་ཡིན་པའི་ཕྱིར་རོ་ཞེས་པའོ། །

ཡ་ཝཱེ་ཁོང་ཉིད་ང་ཡི་སྟོབས་ཤུགས་དང་། ། ཡ་ཝཱེ་ཁོང་ཉིད་ང་ཡི་མགུར་མ་ཡིན། ། ཁོང་ནི་ང་ཡི་སྐྱབས་སུ་གྱུར་པ་ཡིན། ། ང་ཡི་དཀོན་མཆོག་ལགས་པས་ངས་ཁོང་ལ། ། བསྟོད་པ་འབུལ་ལོ་ཁོང་ནི་ངའི་ཕ་ཡི། ། དཀོན་མཆོག་ཀྱང་ནི་ཡིན་པས་བཀུར་བར་བྱ། །

ཀྱེ་ཀྱེ་ཡ་ཝཱེ་ལགས་ཀྱེ་ལྷ་རྣམས་ཁྲོད། ། ཁྱེད་དང་འདྲ་བ་སུ་ཡོད་སུ་ཡང་མེད། ། དམ་པའི་ནང་ཡང་ཁྱེད་ལྟར་དཔལ་ལྡན་པ། ། སུ་ཡང་མེད་དེ་བསྟོད་ཅིང་འཇིགས་འོས་ལ། ། ངོ་མཚར་དོན་རྣམས་མཛད་ལ་ཁྱེད་འདྲ་མེད། །

བྱམས་དང་སྙིང་རྗེ་ངང་ནས་བླུས་པ་ཡི། ། མི་རྣམས་ཁྲིད་པར་མཛད་ཅིང་མཐུ་ཡིས་ནི། ། ཉིད་ཀྱི་དམ་པའི་གནས་སུ་དེ་དག་དྲངས། །

མཱ་ར་བྱ་བའི་གནས་སུ་སླེབས་པ་ན་མཱ་ར་ཡི་ཆུ་ནི་ཁ་ཏིག་ཡིན་པས་འཐུང་མ་ནུས། དེའི་ཕྱིར་ཡུལ་དེའི་མིང་ལ་མཱ་ར་ཞེས་ཟེར། དེར་མི་རྣམས་ཀྱིས་མོ་ཤེ་ལ་སྡུག་ཡུས་བཏོན་ཏེ། ངེད་ཅག་གིས་ཅི་འཐུང་ངམ་ཞེས་སྨྲས། དེ་ནས་མོ་ཤེ་ཡིས་དཀོན་མཆོག་ཡ་ཝཱེ་ལ་ཞུ་འབོད་བྱས་ཤིང་། དཀོན་མཆོག་ཡ་ཝཱེས་ཁོ་ལ་ལྗོན་ཤིང་ཞིག་བསྟན་པ་དང་། ཁོས་དེ་ཆུའི་ནང་དུ་གཡུགས་པ་ན་ཆུ་མངར་མོར་གྱུར། དེར་དཀོན་མཆོག་ཡ་ཝཱེས་དེ་དག་ལ་སྒྲིག་ཁྲིམས་དང་སྲོལ་ཡིག་བཙུགས་ནས་ཁོ་རྣམས་ལ་བརྟགས་ཤིང་གསུངས་པ་ནི།