CHWEKETIN 9 నుండి ప్రసిద్ధ బైబిల్ శ్లోకాలు

షేర్ చేయి

Ai akekvu pe nhishü titse ale nno rhün bin nyo tson-o kazü aphu no arüla shalo nrün genyu.

Npugü le Mosa ka, “Gü raja güka, Npugü, Ibrinyu Sunggigü le, ‘Atemi dan no chwila lo, anyugun no arüshvu nrün genyu tson zoshülo.

Ale aben penso pe nvü lo kehokenyü pe ntemi ge shü lo nnkie shü lati.

Ale shaja ketetsin nipe nsenru dan-- nkeru, gada, ut, methu, tanyü lo tenyü aphu ge shüti. Ale Israel nyu lo Ijipt nyu senru dan thyü pe no kechashü thyüshüti, lo Israel nyu hon senru nme-e no siloho.

Sendu ki hi gwenkho ka ale tegwün no chesa shüti, nduka-e Ijipt kazünyu tsühontse kethyü shahü kemvu. Tsügenyu ntsoka hagun hon nyurhün lihi-e kendo nyu kebin dan zenryü a-kesun kebin hensin shü lalo. Kechamvule temi lo nyukhue tegwen ki kebin dan tsüle tegwün chepe jonshvu bu kelai genyu.’ ”

Tsüle kenphü hontse kezen-o Ijipt kazü aphu nyu gun lati lo lika hika-e kinthyü no temi lo senru ge chwiryüti.” Tson-o au le jonbü gwe lo-o gü raja gü mhundyü ka solo; Mosa le tsü shwepe tsangneki shü laryü, temi lo senru ge-e kinthyü thyü kü lola.