Filipenses 4 నుండి ప్రసిద్ధ బైబిల్ శ్లోకాలు

షేర్ చేయి

Méxra̱ chrókóxakuanhñara ninkehó. Ícha jína chróchenkara Díos kaín nkehe ticháxi̱hanra, la ko chrókjuanchehéra chꞌan, la kja̱xin nkoya̱xón chróchje̱héra chꞌan kjuasáya.

La jehe chꞌan mé tso̱tjáhara chꞌan ijnko kjuaxróxin imá ijié, la nijnko chojni tsjachahya tienxín tíha. Ti kjuaxróxin mé tsꞌayakohen a̱sánra la ko tsꞌayakohen ti kjuaxrexinkaon kuèntára kixin nkoko̱a tinkachónkira Cristo Jesús.

Méxra̱ kíchóni, tíhi tétua̱hanra. Chrokjuénka̱yáxinra kaín ti nkehe chaxín, la kaín ti nkehe chonta kjuasàya, la kaín ti nkehe ndoá, kaín ti nkehe jína, la ti nkehe náxrjón la ko ti nkehe tóxríhi̱n Díos.

Kaín nkehe tjácha itꞌa̱ kixin Cristo mé tsjinki̱tsana ti janhan.

Chrókócháhara nkochríxín kixin tinkachónkira Ìnchéni, na̱xa̱ xrja̱nká ínaá kixin chrókócháhara.

La Díos kuénta̱na mé tso̱tjáhara kaín ti nkehe na̱xa̱ ticháxi̱nhara, kixin chónta chꞌan kaín nkehe imá náxrjón tjete tsꞌáyéhe̱ ti sin tinkáchónki Ìnchéni Cristo Jesús.

Méxra̱ chrókꞌuitjáñahñara kaín ti nkehe kjuákohára la ti nkehe kuihínra ti xrja̱nká la ti nkehe kuétua̱hanra la ko ti ixra̱ kꞌuíkonra kjui̱tꞌa. Mé xi̱kaha jína chrókjuáko̱xinra, a̱ndá ti Díos tjajon kjuaxróxin mé chrókꞌuejoko̱ara.

Mé xi̱kaha kaín chojni chrókjuatso̱an sin kixin jahara tjáko̱xinra jína. Kixin Ìnchéni la ó chjina itsi.

Janhan la ó kꞌuíko̱nxian ti chontahya nkehe la ko kja̱xin ti ó chonta nchónhña nkehe. Kjónté ichrén nkehe chrókꞌuatsínka la ó tsjácha, kjónté á kjonié jína o̱ kjoniehña, á siín nkehe o̱ kohya ninkehó.

La ko ndáxrja̱nhña kixin nóaxi̱n itjén la ko ticháxi̱na nkehe, náhí. Janhan la ó kuàna itjén kjuaxróxin, kjónté ti nkehe chonta ó.