Tihlabelelo 137
137
Sililo salababetfunjelwe eBhabhulona
1Sahlala ngasemifuneli yaseBhabhulona,
sakhala khona nasikhumbula iSiyoni.
2Saphanyeka emahabhu etfu,
etulu eminyetaneni.
3Batfumbi betfu batsi asibahlabelele,
nebagcilati betfu basiphukuta ngekutsi
asihlabele tingoma tekujabula, batsi:
“Ase nisihlabelele lenye
yetingoma tenu taseSiyoni.”
4Singatihlabela kanjani
tingoma taSimakadze
sikulelinye live?
5Nangingakhohlwa wena Jerusalema,
sandla sami sekudla
singamane sishwaphane.
6Shangatsi nelulwimi lwami
lunganamatsela elwangeni lwami,
nangingakhohlwa wena,
ngingayenti iJerusalema
ibe kujabula kwami lokukhulu.
7 Khumbula, Simakadze,
lokwentiwa ngema-Edomu
mzukwana kutfunjwa iJerusalema.
Khumbula kutsi bakusho kanjani kutsi:
“Yibhidliteni!
Yibhidliteni iphele nya!”
8 Wena Bhabhulona, uyawubhidlitwa.
Ubusisiwe umuntfu loyawubuyisela kuwe
tento takho lowake watenta kitsi,
9 loyawubamba tinswane takho
atisacate emadvwaleni.
Trenutno izabrano:
Tihlabelelo 137: SWT
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Bible Society of South Africa 1996. Used with permission. All rights reserved.