Malaquías 4
4
Diospa hamunan punchawmanta
1Tukuy Atiyniyuq Tayta Diosmi kaynata nin:
Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu. 2Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik. 3Chay punchawpim mana allin ruwaq runakunata uchpata saruchkaq hina qamkuna sarupankichik. Tayta Diosmi chaynata nin.
4Serviqniy Moisesman Horeb orqopi kamachikuyniykuna qosqaytayá yuyariychik. Chaykunam karqa kamachikuyniykunawan yachachikuyniykuna Israel castakuna kasukunankupaq.
5 #
Mt 11.14; 17.10-13; Mr 9.11-13; Lc 1.17; Jn 1.21. Ñoqa Tayta Diospa manchakuypaq hatun punchawniy manaraq chayamuchkaptinmi, profeta Eliasta kachamusqaykichik. 6Paymi tayta-mamakunata wawa-churinkuwan allinyanachinqa, mana chayqa ñoqa hamuruspaymi kay pachata pasaypaqta puchukarachisaq, nispa.
Trenutno izabrano:
Malaquías 4: RCHQ2
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Chuya Qellqa Revisión @ Sociedad Bíblica Peruana, 2012