संत.मत्ती 16
16
सिरमा राईज रेनअः चिनहा कोय केनाकु
(संत.मरकुस 8:11–13; संत.लुकास 12:54–56)
1 #
सं.मत्ती 12:38; सं.लुका 11:16 फरीसी आउर सदुकीकु ईसु दुबाःड़े हीःग नेनाकु, आउर प-परीकछा लःअय, हुनी तरअः सिरमा रेनअः मियांड चिनहा दे-देखाव बेताई केनाकु। 2बकिर ईसु कंहड़ी रूवाड़ लःअय, “जब आयुबोः बेरा सिरमा जरलया ताहिनोआ, दो ‘आपे कंहड़ीआपे ची साह बेस ताही कोआ।’ 3आउर निदवा बेरा सिरमा जरलया आउर रिम्बिल ताहिनोआ दो कंहड़ीआपे, ची ‘तिसिंग होय दाअः हीःग कोआ।’ एता लःअय ची आपे सिरमा रअः लकछन के पाड़ी आपे, दो समाई रअः लकछन के एता लःअय कापे चिनहाया, 4#सं.मत्ती 12:39; सं.लुका 11:29नोःआँ परिया रिनकु खपतानकु आउर ब्यबिचार कामीकु एतान लःअय चिनहा ने-नेल नामाकु, बकिर परमेसर पखी तरअः खभाईर एमोई जोना आला चिनहा के बाई केते, एटाअ आउर एतान चिनहा होः एमोअ कनोआँ।”
फिन हुंकू के बाई केते ईसु सेनोः नाय।
फरीसी आउर सदुकीकु आला सिकछा
(संत.मरकुस 8:14–21)
5चेलाकु समुदर तरअः होना पखी सेन सोदोर नेनाकु, बकिर हुंकू लाःड ईइदी रिड़िःग लअकु। 6#सं.लुका 12:1ईसु हुंकू के बेता लिकुआय, “नेलेपे, फरीसीकु आउर सदुकीकु आला लाःड जोजो खाता जिनीस तरअः बंचाव केते ताहिनोः पे।”
7हुंकू आकु-आकु कंहड़ी उपड़ींगोः तानाकु, “हुनी नोःआँ लःअय कंहड़ीः दाय, एता लःअय ची आबु लाःड काबु आगु तदा।”
8नोःआँ के पाड़ी केते ईसु बेता लिकुआय, “ए थोड़हे बि-बिसवासकु, आपे-आपे नोकान एता लःअय उईहार दापे ची आबु दुबाःड़े लाःड कनोआँ, हिना लःअय नुई नोकान कंहड़ीआय? 9#सं.मत्ती 14:17–21आपे नहाअः जगुत कापे बुझाव ताना एतान? पाँच गोड़ लाःड, के पाँच हजार होड़कु के खियाव थिलकुईंग होना याईद कनोआँ एतान? आउर आपे इकिन दाऊड़ा हलांग थिलाअपे? 10#सं.मत्ती 15:34–38आउर सात गोड़ लाःड के चाईर हजार होड़ के खियाव थिलकुईङ? हिमीन रे आपे इकिन खाईचलअ हलांग थिलाआपे? 11आपे एता लःअय कापे बुझाआ, ची ईङ लाःड रअः बारे नोःआँ काईंग कंहड़ी थिलाआ? ची फरीसीकु आउर सदुकीकु आला लाःड जोजो खाता जिनीस तरअः बंचाव ताहिना पे।”
12तब चेलाकु बुझाव नाकु ची हुनी लाःड जोजो खाता जिनीस तरअः कोवान, बकिर फरीसी आउर सदुकीकु आला सिकछा तरअः बंचाव ताहिनोअ कंहड़ीआय।
ईसु गी ख्रीस्त हेके
(संत.मरकुस 8:27–30; संत.लुकास 9:18–21)
13ईसु कैसरिया फिलिप्पी पहटा सोदोर केते, आनेःग आलकु चेलाकु के कुली लिकुआय, “मनवा होपोन ओके हेके, नुई रअः बारे रे होड़ एतान मेन गेआकु?”
14 #
सं.मत्ती 14:1,2; सं.मर 6:14,15; सं.लुका 9:7,8 हुंकू कंहड़ी रूवाड़ लअकु, “थोड़ेक होड़ कंहड़ीआकु जोहन बतिस्मा एमोई, थोड़ेक कंहड़ीआकु, इलियस आउर थोड़ेक कंहड़ीआकु येरेमियस चाहे आगमजानीकु मेसे जाहें मिहोंड़।”
15ईसु हुंकू के बेता लिकुआय, “बकिर आपे एतान मेन गेआपे, ची ईङ ओके हेके?”
16 #
सं.जोह 6:68,69 सिमोन पतरस कंहड़ी रूवाड़ लःअय, “आम ख्रीस्त हेके, आम जिवीःड परमेसर आली होपोन हेके।”
17ईसु कंहड़ी रूवाड़ लःअय, “ए सिमोन जोना आली होपोन, धनया आम एता लःअय ची सिकार आउर मयोम कोवान बकिर ईङ आली बाबा जे सिरमा रे एदानिया नोःआँ बात के आम के उदूः तदमेआय। 18ईङ आम के बेता मीईंग, ची आम पतरस हेके, आउर नोःआँ सेरेंग रे ईङ अपन कलीसिया बनायीङ, आउर पताल रअः सिनिङ नोःआँ मड़ांग रे एरे टिकाव दाड़ी योआ। 19#सं.मत्ती 18:18; सं.जोह 20:23ईङ आम के सिरमा राईज रअः कुंजी एमा मीईंग, आउर आम जे ओत रे तोलेआम, होना सिरमा रे तोल कोआ, आउर जे कुछ ओत रे खोलायम होना सिरमा रे खोलाव कोआ।”
20नोःआँ तयोम ईसु आनेःग आलकु चेलाकु के जबरजस चेतावन एमा लिकुआय, ची आपे ओके होड़ केहोः नोःआँ आलपे उदूः किकु, ची हिनी ख्रीस्त हेके।
आएंग गोजोअः बारे रे ईसु आला आगमजानी
(संत.मरकुस 8:31; 9:1; संत.लुकास 9:22–27)
21हिमीन बेरा ईसु चेला ताय के समझाव कुकेनाय, ची “ईङ के जिरोसलेम सेनोः हुयाव कोआ, आउर जाहुदी नेताकु, बड़े पुरोहितकु आउर धरम पुथी सि-सिखावकु पखी तरअः मुरुक बिपाईत स-सहाव पड़ाव कोआ। गोएःग कियाकु आउर पे रोज तयोम जिवीःड-बिरिःड कोआय।”
22पतरस ईसु के एटाअ ते इदी केते मुरुक डपटाव दियाय। “ए परभु, परमेसर आम तेंग रे दया मे,” “नोःआँ आम रे ओका हिला होः एरे हुयाअः।”
23बकिर हुनी पछली लुड़ीःग केते पतरस के बेता लियाय, “ए सैतान ईङ दुबाःड़े तरअः ओचोः जुनोः मे, आम ईङ लःअय ठोकोर रअः कारन हेके, आम दो परमेसर आला बात के कोवान, होड़कु आला बात रे मन लगायाम।”
ईसु आला तयोम रे सेनोः रअः माने
(संत.मरकुस 8:34—9:1; संत.लुकास 9:23–27)
24 #
सं.मत्ती 10:38; सं.लुका 14:27 नोःआँ तयोम ईसु अपन चेलाकु के बेता लिकुआय, “जे ईङ के ओ-ओतोंग नामापे, हुंकू अपन के गवाँव केते, अपन कुरूस गोः केते ईङ के ओतोङिङ पे। 25#सं.मत्ती 10:39; सं.लुका 17:33; सं.जोह 12:25एता लःअय ची जे अपन जीव के बा-बंचाव नामाय, हुनी अपन जीव के आःड केआय, आउर जे ईङ लःअय अपन जीव आडेआय, हुनी होना के नाम केआय। 26जदि जाहें होड़ गोटा दुनिया के नाम केते अपन जीव के आडेआय, दो हुनी के एतान फयदा कोआ? चाहे आएंग आला जीव रेनअः बदली रे होड़ एतान एम केआय। 27#सं.मत्ती 25:31; सिरिंग 62:12; रोमी 2:6मनवा होपोन आनेःग आलकु सिरमादूतकु लोः अपन बाबा आला महिमा रे हिजोआय, आउर हिमीन बेरा हुनी हरेक झन के हुंकू आला काम रेनअः मोताबिक होना रअः बानी एमा किकुआय। 28ईङ आपे के सचे कंहड़ीओ दिपीईंग, ची जे नोआँड़े तिंगु तानाकु, हुंकू मेसे थोड़ेक नोका नाकु ची हुंकू जब तक मनवा होपोन के हुनी आला राईज रे हीःग यअते इरकु निलीया जगुत इरकु गोजोआ।”
Trenutno izabrano:
संत.मत्ती 16: ASR
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2023 NLCI CC BY-NC-ND 4.0
