Teekïtïga 37
37
Ðan sund najkïma
(Oo Teekïtïga 25:10 teen 22)
1Kamla Betsalel ða sund kï kag akasia, ngala i metïr jo kï nusï, tata i metïr kïða kï nusï, ngala kïdõ i metïr kïða kï nusï. 2Ut kaga kï l'ør kïjanjoi, ut kaga kokemë kï gida tu, na ða nyapare l'ør gugïn ta bøga. 3Nyë l'ør ðan ningag søø, ndad dø kumat kïsøø. Ningag joo i kadt ko kïða, na ningag joo i kadt ko mad tø. 4Tøsï kag akasia, ut gid'd kï l'ør. 5La kag kïngal kam ningagt'n non kad ton sund. 6Un l'ør kïjanjoi ðan nyakutdø, ngala i metïr kïða kï nusï, tata i metïr kïða. 7Ðà serub joo kï l'ør, ðad kï l'ør kï ndah dø taat kïjoo. 8Ðà serub kïða dø taat kïkïða, kï serub kïmad dø taat kïmad. Un gaj l'or kïða ðan nyakutdø kï serubg dø taat kïjoo kad i ro kïða. 9Serubg'n non, bøgd i kï sira kïdõ, utïn dø nyakutdø'n non kï bøgd, takumd sumba na sew, takumd i kï ga kï ber kïdø nyakutdøt.
Ðan table
(Oo Teekïtïga 25:23 teen 33)
10Betsalel ða table kï kag akasia, ngala i metïr kïða, tata i nusï metïr, ngala kïdõ i metïr kïða. 11Ut dø kaga kï l'ør kï janjoi, ða l'ør nyapare gugïn ta bøga. 12Ðà nyapar kadat tø, tata asï kï tat daji de. Ðà taa kï l'ør nyapare gugïn døa tø. 13Ðà ninga l'ørg søø kïta table'n non, nda ningag døkumat kïsøø kad njaat kïsøø. 14Ningag'n non in nderrbe kï nyapare kada, kïta lakag kïngalg tit kïta kunïn table kï dõ. 15Tøsï kag akasia kïngalg, ut gid'd kï l'ør, kïta ton table. 16Un l'ør kïjanjoi ðan nyaðakïlag dø tablet, ad i tasag kï ngan baig kï galg kï kopg kïta kadkari nyakãi kï kü kø.
Ðan lamba
(Oo Teekïtïga 25:31 teen 40)
17Betsalel ða kag lambag kï l'ør kïjanjoi. Ðà lambag'n non kï l'ør kï nda, girra kï kaga kï baiag kï døgorag kï hutag tube, în kïkïða. 18Døjig kïbojidet teen kad kag lambagt, døji mïta teen kadat kïkïða, na døji mïta teen kadat kïmad tø. 19Kam døjit kïkïða ða ngan baig mïta tit hut amand be, døgor kïða ta hut't kïkïða. Kam døjit kïmad ða ngan baig mïta tit hut amand be, døgor kïða ta hut't kïkïða. Ðà titbe kï døji kïbojidet 'nten kad kag lambagt'n non. 20Kam kag lambagt'n non ða ngan baig søø tit hut amand be nat kï døgorag kï hutag. 21Døgor kïða i girr døjt kïjoo, i ro kïða, na døgor kïða i girr døjit kïjoo, i ro kïða, kamla døgor kïða i girr døjit kïjoo, i ro kïða tø. Døjig kïkïbojidet 'nten kad kag lambat în titbe tø. 22Døgorag kï døjiag'n non kï kag lamba tu i ro kïða, i l'ør kïjanjoi kïndah døa kïtaagbe. 23Ðà bai lambag loa tanãimïta, kï nya tøl horrag, kïjoo buhorrag, kï l'ør kïjanjoi. 24Un nar l'ør kïjanjoi kïða ðan kag lambag kï nyaðakïlaag tu.
Dïngïr mbikám kïkootmbî
(Oo Teekïtïga 30:1 teen 5)
25Ðà dïngïr mad kïta lahorr nduj mbikám kï kag akasia. Ngala i metïr kïða, tata i nusï metïr, ngala kï tata asïn na, ngala kïdõ i metïr kïða joo. Gaj dïngïr'n non i ro kïða sia. 26Ut dø kaga kï l'ør kïjanjoi ad i døa kï kada, gug døa kï gaja kamla ða l'ør nyapare gugïn dø bøga. 27Ðà ninga l'ørg joo girrr nyaparet'n non bøg kadat kïjoo, ðad kadat kïjoo kïta la kag kïngalg kamt kïta kunïn. 28Tøsï kag akasia kïngal joo ut gid'd kï l'ør.
Ðan yib døt kï mbikám kïkootmbî
29Ðà yib kurdøt kïjaþat. Øi nõkagg kïkootmbî ðan mbikám kïjanjoi kï bur nat kïgo goosï ngeðaa.
Trenutno izabrano:
Teekïtïga 37: MB80
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
BIBLE MBAÏ © 1980 Alliance Biblique du Tchad.