मती 14

यूहन्‍ना बतिस्मो दैणै वाळै री हत्या

(मरकुस 6:14–29; लूका 9:7–9)

1उण वगत राजा हेरोदेस गलील में राज करतौ उण यीसु री चरचा सुणी, 2अर आपरै सेवकों नै कयौ, “ओ यूहन्‍ना बतिस्मो देणवाळौ है! वो मरयोड़ौ मे ऊं जी उठयौ है, इण वास्तै उणमे सामरथ रा कांम परगट होवै है।”

3 # लूक 3:19,20 क्यूंकै हेरोदेस नै आपरै भाई फिलिप्पुस री लुगाई हेरोदियास रै कारण, यूहन्‍ना नै पकड़नै बांधियो अर जेळ मे घाल दियौ हो। 4क्यूंकै यूहन्‍ना उणनै कयौ तो की अपणै भाई रै जीवते होते हुए उणरी लुगाई नै अपणी लुगाई बणान राखणी व्यवस्था रै खिलाफ है। 5इण वास्तै वो उणनै मारणौ चावतौ हो, पण लोगां ऊं डरतौ हो क्यूंकै वे यूहन्‍ना नै भविसयदाता मानता हा।

6पण जद हेरोदेस रौ जनम दिन आयौ, तो हेरोदियास री बेटी नै तैंवार मे नाच देखान हेरोदेस नै खुस कियो। 7इण वास्तै उणनै सौगन खान वचन दियौ, “जे की थूं मांगी, म्हैं थनै दूंला।” 8वां आपरी मां रै सिखाणै ऊं बोली, “यूहन्‍ना बतिस्मो देवणवाळा रौ माथो थाळी मे मंगान म्हनै एठै दो।” 9राजा दु:खी होयौ, पण आपरी सौगन रै, अर साथै बैठणवाळौ रै खातर, हुकम दियौ की दे दियौ जावै। 10अर उणनै जेळखानै मे लोगां नै भेज नै यूहन्‍ना रौ माथो कटवा दियौ। 11अर उणरौ माथो थाळ मे लायौ अर उण छोरी नै दे दियौ, जिनै वां आपरी मां हेरोदियास रै खनै लेन गी। 12जद यूहन्‍ना रा चेला आया अर उणरै लास नै ले जान बूर दी। अर जान यीसु नै समाचार दिया।

यीसु पांच हजार मिनखौ नै खाणौ खिलायो

(मरकुस 6:30–44; लूका 9:10–17; यूहन्‍ना 6:1–14)

13जद यीसु ओ सुण्यौ, तो वो नाव ऊपर चढ़नै उठै ऊं किणी सुनी जगा मे, एकांत मे जाता रिया। लोगां ओ सुणन हेर-हेर ऊं पाळा ई उणरै लारै चालण लागा। 14उणनै निकळन एक घणी भीड़ देखी अर उण माथै तरस आयौ, अर उणौरै बिमारों नै सावळ किया।

15जद दिन ढ़ळ रियौ हो तो उणरा चेला उणरै खनै आन कयौ, “आ सुनी जगा है अर मोड़ौ हो रियौ है। लोगां नै रवाना करौ की वे गांवों मे जान आपरै लिए खाणौ मोल ले ले।”

16पण यीसु उणौनै कयौ, “उणौरौ जावणौ जरुरी कोनीं! थै इज इणौनै खाणौ दो।” 17उणौ यीसु नै कयौ, “एठै म्हौरै खनै पांच रोटी अर दो मछलियो नै छोड़नै दूजौ कीं ई नीं है।” 18यीसु कयौ, “उणौनै म्हारै खनै ले आओ।” 19तो उण लोगां नै घास माथै बैठण रौ कयौ, अर उण पांच रोटियां अर दो मछलियो नै लेन, सरग रै सांम्ही देखन धन्यवाद कियो अर रोटियां तोड़-तोड़नै चेलौ नै दी, अर चेलौ लोगां नै दी। 20जद हैंग खान धाप परान, चेलौ बचयोड़ी रोटियां ऊं बारैह छाबड़िया भरनै उठाई। 21अर खाणै वाळा लुगाईयां अर टाबरौ नै छोड़नै, पांच हजार मिनखौ रै लगोलग हा।

यीसु रौ पांणी ऊपर चालणौ

(मरकुस 6:45–52; यूहन्‍ना 6:15–21)

22तो उणनै तुरत आपरै चेलौ नै नाव ऊपर चढ़नै रै लिए मजबूर किया की वे उण ऊं पैला पार जाता रै, जैड़ी तांई वो लोगां नै वहीर करै। 23वो लोगां नै वहीर करनै, पराथना करणै अलग भाखर ऊपर जाता रिया। अर सांझ रा वो उठै ऐकला हा। 24उण वैळा नाव झील रै बीच लेहरौ ऊं डगमग करती ही, क्यूंकै हवा सांमै ऊं ही। 25अर यीसु रात रै चौथे पेहर झील रै ऊपर चालता होया उणौरै खनै आया। 26चेला उणौनै झील ऊपर चालता देखन डर गिया। अर कैवण लागा, “ओ तो भूत है!” अर डर रै मारै चिलान लागा। 27तो यीसु नै तुरत उणौ ऊं बातां कीं अर कयौ, “हीमत राखौ। म्हैं हूं, डरौ मती।” 28पतरस यीसु नै जबाब दियौ, “हे परभु, जे थूं ई है, तो म्हनै आपरै खनै पांणी ऊपर चलन आवण री आग्या दे।” 29यीसु कयौ, “आ!” तो पतरस नाव ऊपर ऊं उतरनै यीसु रै खनै जांणै पांणी ऊपर चालन लागौ। 30पण हवा नै देखन डर गियौ, अर जद डूबण लागौ तो चिलायनै कयौ, “हे परभु, म्हनै बचा!” 31यीसु नै तुरत हाथ आगै करन उणनै पकड़ लियौ अर उणनै कयौ, “हे मौळाविसवासी, थै क्यूं सक करयौ?” 32जद वे नाव माथै चढ़या, तो हवा रूक गी। 33इण वास्तै उणौ जिकौ नाव ऊपर हा, उणौ परणाम करन कयौ, “साचौ, थूं इज परमेसर रौ बेटौ है।”

गनैसरत मे बिमारों नै सावळ करया

(मरकुस 6:53–56)

34वे पार उतरनै गनैसरत हैर मे पूगिया। 35उठै रै लोगां नै विनै पिछांण लियौ अर आजू-बाजू रै हैंग देस मे समाचार भेजियां, अर हैंग बिमारों नै यीसु रै खनै लाया, 36अर बीमार उण ऊं विणती करणै लागा की वो उणौ नै आपरै कपड़े रै पलै नै ई हाथ लगाण दे। अर जितौ नै विनै हाथ लगायो, वे सावळ हो गिया।

Trenutno izabrano:

मती 14: RWR

Istaknuto

Kopiraj

Uporedi

Podeli