Rōm 3
3
Pathian Iamruona
1Hanle imo Zehudi ngāi chan ei sa bīkna? Serantan um imo ei nemna? 2#Dān 4:8; Sām 147:19; Kui 7:38Kong tina ei takna ātampā om kēng. Mānsa khīta chu Pathian chongsuok ngāi chu amāni kōma anbetōka om a. 3#2Ti 2:13; Heb 4:2Hanle senkhatin a lei iam nōk inle? Amāni iamnōknā'n Pathian iamruona chu akorong mo ei manchang rang? 4#Sām 116:11; Zn 3:33Ni thak mak! Miring dōra milak ni ngal sela, Pathian chu atak ni rase.
“Na chongkam ngāia sat nei ānlō theina rang lē
Rui anrila nā om tika nei zui theina rang,” (Sām 51:4)
tīna a lei ānziak anga.
5 #
Gal 3:15
Tenchu koini nei dik nōknā'n Pathian dikna a manlang ten, imo nei ti rang? Miring anga chong ka ti, Pathianin taksitna a masul tika ama chu dik mak nei ti rang mo? 6#Aph 18:25Ni thak mak! Hanle Pathianin hontin mo maniapūr rui ei ril rang? 7Ka milak thōnā'n Pathian dikna chu ama anlianna ranga a manlang riam ten, hanle ichanga mo misalui anga ruirila kei la om chian? 8Mī senkhatin diklui taka ei na nōn anga, “Āsā ei hongna ranga āsia thō u rei,” ti u ma ni ba? Amāni#3:8 Amāni: Hiva hi dikluia mī nōn pū ngāi mo ole iamluipū Zehudi ngāi a ni thei. siatanlōna hi ādik a ni.
Mīdik Khat Ngal Om Mak
9 #
1Rē 8:46; 2Kh 6:36; Sām 106:6; Gal 3:22 Hanle imo? Namtei ngāi nēka nei chā bet mo? Ni thak mak. Asik chu Zehudi ngāi lē Grik mi ngāi aloma āsia ningneina thuoia ālēng kēng a ni zei tīna na ti suo zei hale. 10A lei anziak anga:
“Midik khat ngal om mak, angkhattē ngal om mak.
11Āriatthei khat ngal om mak,
Pathian anrok khat ngal om mak.
12 #
Chp 7:20
Alom una lampui diknōka a pēt u zei.
Amāni chu alom una nemnabui a hong āchang u zei.
Āsā thō tūtē om mak,
Angkhattē ngal om mak.” (Sām 14:1-3; 53:1-3)
13“A rōlkuo u chu thānkhur anlong kēng.
A malei u ngāi chu huongna ranga a mang u.”
“A ādang u sūnga marūl tūr a om.” (Sām 5:9; 140:3)
14“A mūr u chu khomāk lē akhana kēng ā bit.” (Sām 10:7)
15“A kē u chu thisen ansuok ranga ānchar kēng. (Chn 1:16)
16A lampui u ngāi chu anpeina lē lunghāngna kēng.
17Phūkdāina lampui riat u mak.” (Isa 59:7-8)
18“A mitmū una Pathian anchina om mak.” (Sām 36:1)
19 #
Sām 63:11; Izk 16:63 Atun chu, dānin ei ril dōra chu, mūr tin ankhārna rang lē maniapūr pumpui Pathian ruirilna thuoia ei omna ranga, dān thuoia āom ngāi ranga kēng ei ril tī na riat zei. 20#Kui 13:39; Gal 2:16Hasikhan, dān sinthō sika miring tūtē a makunga dik anlō thei mak. Asik chu dān ātā kēng āsia riatna ei hong.
Iamna Zāra Satanlōna
21 #
Isa 46:13; Zer 23:6; Kui 10:43 Tenchu atun hin, dānbū lē deari ngāi lekhabu ngāiin a lei manriat anga, Pathian dikna chu, dān anchelluia anlang a. 22#Zn 3:15; Gal 2:16; 3:28; Kol 3:11Hava Pathian dikna ha, āiam ngāi dōra ranga Isuo Khristā iamna nātā āsuok a ni. Asik chu ītē ei teina om mak#3:22 ītē ei teina om mak: Zehudi lē namtei ei teina om mak, annini u ranga dikna chu Khristā iamna nātā ānman kēng tīna a ni.. 23Asik chu miring dōrā'n āsia a thō zit u na, Pathian lianna pha u lāi mak a. 24#Sām 130:7; Zn 1:14, 16; 1Ko 1:30; 2Ko 12:9; Gal 4:5; Efe 1:7, 14; 2:8; Kol 1:14; Tit 2:11; Heb 4:16; 9:12A lungkhamna zāra, Khristā Isuo ratanna le han man abuia satanlō kiar a ni u. 25#Ant 25:17; Lev 16:15; Sām 65:3; Kui 14:16; 20:28; Efe 1:7; Heb 2:17; 9:12, 14; 1Pe 1:19; 1Zn 4:10; Anl 1:5Isuo Khristā chu Pathianin a thisen zāra anthiarna ranga ei dar a ni. Hava ha koinī'n iamna zāra nei man a ni. Asik chu Pathian a dūkdiarna zāra tianlāia āsia dōra a lei kallēn sika, hiva hi ei dikna ei manlangna a ni. 26Isuo chunga iamna ādōn ngāi dōra sat ei manlō chunga Pathian chu ādik ei ni chian theina ranga, atuna huna ei dikna ei manlangna a ni.
27 #
1Ko 1:29-31; Efe 2:9 Hong mo chongpākansalpui ruo chu? Hava chu ankhāi zei. Hong dānin mo? Sinthōna dānin mo? Ni mak, tenchu iamna dānin kēng. 28#Kui 13:39; Gal 2:16; Efe 2:9; Zak 2:20, 24, 26Hasikhan, dān sinthōna anchelluia, iamna amanga kēng miring chu sat ei ānlō a ni. 29#Kui 10:34-35; Gal 3:28Pathian hi Zehudi ngāi rang ronga Pathian mo? Namtei ngāi rang um ni mak mo? A ni, namtei ngāi rangā'm Pathian a ni. 30#Gal 3:8Asik chu Pathian chu angkhat dak a ni. Amā'n sertan ngāi chu iamna amanga sat manlō in tia, sertanlui ngāi chu iam zāra sat manlō in ti. 31Hanle iamna sika han dān chu akorong mo nei manchang a ni zei? Chang pial nō ni, tenchu dān ha kēng nei mandet riam a ni.
Bible in Ranglong, © Bibles International, the Bible society of Baptist Mid-Missions, 2024.