मत्ती 18
18
स्वर्ग़ा चे राज़ मां बङे कूण छै?
(मरकुस 9:33–37; लूका 9:46–48)
1 #
लूक 22:24
वेही घड़ी चैले ईशु चे गोढु आती कर पूछु लाग़ले, “स्वर्ग़ चे राज़ मां बङे कूण छै?”
2ऐचे उपर ईशु ने हेक ब़ाला नु आपणे गोढु हकारती कर वांचे बीच मां खड़े करले, 3#मरकु 10:15; लूक 18:17ते केहले, “मैं तम्हानु सच्च किहे पला कि जब तक तम्ही ना फिरा ते ब़ाला आलीकर ना बणा, तम्ही स्वर्ग़ा चे राज़ मां जा नी सग़ा। 4जको कुई आपणे आप नु ऐ ब़ाला आलीकर छोटे करी, ऊं स्वर्ग़ा चे राज़ मां बङे हुवी। 5ते जको कुई माये नांवा लारे हेक इसड़े ब़ाला नु स्वीकार करे, ओ मनु स्वीकार करे।
पाप करने ची परीक्षा
(मरकुस 9:42–48; लूका 17:1,2)
6“जको कुई यां छोटा महु जको माये उपर विश्वास करी, कानु ठोकर खुलाओ, ओचे वास्ते भले हुवीया कि बङी घर्टी चा पोड़ ओचे गले मां लटकाला जईया, ते ओ गहरे समुन्दरा मां नाखती ङिला जईया। 7ठोकरा ची वजह कनु संसारा उपर हाय! ठोकरा चे लाग़णे जरुरी छै, पर हाय! ओ इन्साना उपर जाई वजह कनु ठोकरा लाग़ी।
8 #
मत्ती 5:30
“अगर दुधा हाथ जा दुधा पग़्ग़ तनु ठोकर खुलाओ, तां ओनु बाढती कर भुकाती नाख, टुन्डा जा लंगड़ा हुती कर जीवन मां जाणे दुधे वास्ते ऐचे कनु भले छै कि ङोन हाथ जा ङोन पग़्ग़ रेहते हुले तु अनन्त जाखते मां नाखला जई। 9#मत्ती 5:29अगर दुधी आंख तनु ठोकर खुलाओ, तां विनु काढ़ती कर भुकाती नाख, काणा हुती कर जीवन मां जाणे दुधे वास्ते ऐचे कनु भले छै कि ङोन आंखी रेहते हुले तु नर्का चे जाखते मां नाखला जई।
गार हुली आली भेङे ची मिसाल
(लूका 15:3–7)
10 #
लूक 19:10
“ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी। 11कांकि मैं इन्साना चा पूत गार हुला आला नु बचाऊं आला।
12“तम्ही का सोचा पले? अगर कुई इन्साना चा साऔ भेङा हो, वांचे महु हेक भटकती जाओ, तां का ओ निन्याणवे नु छोड़ती कर, ते पहाड़ा उपर जती कर, वे भटकली आली नु नी सोधी? 13ते अगर इसड़े हो कि लाभती जाओ, तां मैं तम्हानु सच्च किहे पला कि ओ वां निन्याणवे भेङा चे वास्ते जको भटकलीया कोनी हुतीया, इतनी खुशी नी मनावी जितना कि ये भेङे वास्ते खुशी मनावी। 14इसड़े ही जको तम्चा ब़ा स्वर्ग़ा मां छै, ओची हा इच्छा कोनी कि जा छोटा महु हेक वी खत्तम हो।
पापी भावां नु सही मार्ग़ ङिखाणना
15 #
लूक 17:3
“अगर दुधा विश्वास करने आला भऊ दुधे, विरोध कुई अपराध करे, ते जती कर ओनु हेकले मां बातचीत करती कर समझा, अगर दुधी सुणती गिहे, बल्ति तु आपणे भावां नु अपनाती गेले। 16अगर ओ ना सुणे ते हेके जा ङोन जणा नु लारे गेहती जा कि ‘हर हेक बात ङोन जा तीन ग़वाह चे मुँहा कनु साबित हुती जाये।’ 17अगर ओ वांची वी ना मनी ते कलीसिया नु केहती ङे, अगर वे कलीसिया ची वी ना मनी, ते ओनु तु नेरीया जातिया आलीकर, ते चुंगी गेहणे आले जिसड़े जाण।
ब़ांधणे ते खोलणे
18 #
मत्ती 16:19; यूह 20:23 “मैं तम्हानु सच्च किहे पला कि जको कोच्छ तम्ही धरती उपर ब़ांधा, ऊं स्वर्ग़ा मां ब़झी, ते जको कोच्छ तम्ही धरती उपर खोला, ऊं स्वर्ग़ा मां खुली।
19“बल्ति मैं तम्हानु सच्च किहे, अगर तम्चे महु ङोन जणे धरती उपर कुई बाते चे वास्ते हेक मन हुती कर कहीं मांगे, ते ऊं माये ब़ा नरीकारा ची ओर कनु जको स्वर्ग़ा मां छै, वांचे वास्ते हुती जई। 20कांकि जिठे ङोन जा तीन जणे माये नांवा उपर भेले हुवी, ओठे मैं वांचे बीच मां मौजुद रिहे।”
दया ना करने आले सेवका ची मिसाल
21 #
लूक 17:3,4 बल्ति पतरस ने ईशु चे गोढु आती कर केहले, “हे प्रभु, अगर माया विश्वास करने आला भऊ अपराध करता रिहे, ते मैं ओनु कितना वारी माफ करे, का सात वारी तक?”
22ईशु ने ओनु केहले, “मैं तनु हा ना किही कि सात वारी तक, बल्कि सात वारी चे सत्तर गुणा तक माफ करता रेह। 23ऐवास्ते स्वर्ग़ा चा राज़ ओ राजा चे समान छै, जेह्णे आपणे दासा कनु लेखा गेहणा चाह्ला। 24जिसे बेले ओ लेखा गिहुं लाग़ला, ते हेक जणा ओचे सामणे हाजिर हुला, जको ङस हजार घड़ा चा कर्जदार हुता। 25जबकि कर्जा चुकाणे वास्ते ओकनु कहीं वी कोनी हुते, ते ओचे स्वामीया ने केहले, ‘हा ते ऐची घराआली ते ब़ाले-ब़च्ची ते जको कोच्छ ऐचे छै सारे बेचले जाओ, ते कर्जा चुकाती ङिला जाओ।’ 26ऐचे उपर ओचा दास पग़्ग़ा मां ढेती कर ओनु प्रणाम करले ते केहले, ‘हे स्वामी, तसल्ली राख, मैं सारे कोच्छ भरती ङिही।’ 27बल्ति ओ दासा चे स्वामीया ने तरस खाती कर ओनु छोड़ती ङिले ते ओचा कर्जा वी माफ करती ङिला।
28“पर जिसे बेले ओ दास ब़ाहरु निकड़ला, तां ओचे लारे आले दासा महु हेक ओनु मिड़ला जको साओ चान्दी चे सिक्का चा कर्जदार हुता, ओणे ओनु पकड़ती कर ओची गिच्ची घुटली ते केहले, ‘जको कोच्छ दुधे उपर कर्जा छै ओनु भरती ङे।’ 29ऐचे उपर ओचे लारे चा दास ढेती कर बिनती करु लाग़ला, ‘तसल्ली राख, मैं सारे कोच्छ भरती ङिही।’ 30पर ओणे कोनी मनले, पर जती कर ओनु कैदखाने मां नाखती ङिले कि जब तक कर्जा भरती ना ङियो, तब तक उठी रिहो। 31ओचे लारे चे दास जको हुले हुते ङेखती कर ब़ोहत उदास हुले ते जती कर आपणे स्वामीया नु सारा हाल बावड़ला। 32बल्ति ओचे स्वामीया ने ओनु हकारती कर केहले, ‘हे दुष्ट दास! ते माये कनु बिनती करली हुती कि मैं दुधा सारा कर्जा माफ करती ङिलता। 33ऐवास्ते जिसड़ी मैं दुधे उपर दया करली, उसड़ी ही का तनु वी आपणे लारे चे दासा उपर दया करनी ठीक कोनी हुती?’ 34ते ओचे स्वामीया ने गुस्से मां आती कर ओनु ङण्ड ङेणे आला चे हाथा मां सोंपती ङिले, कि जब-तक ओ सारा कर्जा भरती ना ङियो, तब तक वांचे हाथा मां रिहो।
35“ऐह रीति लारे अगर तम्चे महु हर हेक आपणे भावां नु मना लारे माफ नी करी, ते माया ब़ा नरीकार जको स्वर्ग़ा मां छै तम्चे लारे वी इसड़े ही करी।”
Trenutno izabrano:
मत्ती 18: ODR
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
CC BY-NC-ND 4.0
