लूका 10
10
ईशु ने सत्तर चैला नु भेज़ले
1यां बाता चे बाद प्रभु ईशु ने सत्तर नेरे चैला नु नियुक्त करले, ते जिसे-जिसे शहरा ते जग़हा नु ओह आप जाणे आला हुता, उठे वानु ङोन-ङोन करती कर आपणे आग़ु भेज़ले 2#मत्ती 9:37,38ओणे वानु केहले, “पकले खेत ब़ोहत छी, पर मजदूर थोड़े छी, ऐवास्ते खेता चे मालिका कनु बिनती करा कि ओ आपणे खेता नु बाढणे वास्ते मजदूर भेज़ती ङियो। 3#मत्ती 10:16जावा, ङेखा, मैं तम्हानु भेङा आलीकर भेड़िया चे बीच मां भेज़े पला 4ऐवास्ते ना ब़टुवा, ना झोली, ना जुत्तीया चवा, ते ना मार्ग़ा मां कानु नमस्कार करा। 5जिसे कुई घरा मां जावा, पेहले किहा, ‘ऐ घरा मां शान्ति बणली रिहो।’ 6अगर उठे तम्ची शान्ति चे लायक हुवे, तां तम्ची शान्ति वांचे उपर पुज़ी, ना तां तम्चे गोढु वापिस आती जई। 7#1 कुरि 9:14; 1 तीमु 5:18ओही घरा मां रिहा, ते जको कोच्छ वाकनु मिले, ऊंही खावा-पिया, कांकि मजदूरा नु आपणी मजदूरी मिलणी चाही छै, घर-घर ना फिरजा। 8जिसे शहरा मां जावा, ते उठले लौक तम्हानु टिकावे, तम्चे वास्ते कद्दर-भाव लारे जको कोच्छ सामणे मेहले जाओ ऊंही खाजा। 9उठले बिमारा नु ठीक करा ते वानु किहा, ‘नरीकारा चा राज़ तम्चे गोढु आती पुज़ला।’ 10#प्रेरि 13:51पर जिसे शहरा मां जावा, ते उठले लौक तम्हानु ग्रहण ना करो, तां वांचे बजारा मां जती कर किहा, 11#मत्ती 10:7–14; मरकु 6:8–11; लूक 9:3–5 ‘तम्चे शहरा ची धूड़ वी, जको अम्चे पग़्ग़ा नु लाग़ली आली छै, अम्ही तम्चे सामणे छडंकु पले, तां वी तम्ही ईं जाणती गिहा कि नरीकारा चा राज़ तम्चे गोढु आती पुज़ला।’ 12#मत्ती 11:24; मत्ती 10:15मैं तम्हानु किहे पला कि ओ ङिओ ओ शहरा ची दशा कनु सदोम ची दशा घणी सेहणे चे लायक हुवी।
अविश्वासी शहरा पर हाय!
(मत्ती 11:20–24)
13“हाय खुराजीन! हाय बैतसैदा! जको सामर्थ ची कामे तम्चे मां करली गेली, अगर वे सूर ते सैदा मां करले जईया, तां उठले लौक टाट ओढ़ती कर, ते कैरी मां ब़ेसती कर वे कङकणे मन फिराती गिहा 14पर न्यां चे ङिओ तम्ची दशा कनु सूर ते सैदा ची दशा घणी सेहणे चे लायक हुवी। 15ते हे कफरनहूम, का तु स्वर्ग़ तक ऊंचा करला जाये? तु तां अधोलोक तक तले जाये।
16 #
मत्ती 10:40; मरकु 9:37; लूक 9:48; यूह 13:20 “जको तम्ची सुणे, ओ माई सुणे, ते जको तम्हानु तोच्छ जाणे, ओ मनु तोच्छ जाणे, ते जको मनु तोच्छ जाणे, ओ माये भेज़णे आले नु तोच्छ जाणे।”
सत्तर चैला चे पुठे आणे
17वे सत्तर खुशी लारे पुठे आले ते किहुं लाग़ले, “हे प्रभु, दुधे नांवा लारे दुष्टात्मा वी अम्चे बसा मां छी।”
18ईशु ने वानु केहले, “मैं शैताना नु बिजली चे समान स्वर्ग़ा कनु तले ढेते ङेखे पलता। 19ङेखा, मैं तम्हानु नाग़ ते बिच्छुवा नु लताड़ने चा, ते दुश्मना ची सारी सामर्थ चे उपर अधिकार ङिला, ते कुई चीजी लारे तम्हानु कुई नुकसान नी हुवी। 20तां वी ऐवास्ते खौश ना हो, कि आत्मा तम्चे बसा मां छै, पर ये बाते कनु खौश हो, कि तम्चे नां स्वर्ग़ा उपर नरीकारा ने लिखले।”
ईशु ची खुशी
(मत्ती 11:25–27; 13:16,17)
21ओही बेले ईशु पवित्र आत्मा मां हुती कर खुशी लारे भरीती गेला, ते केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया। हव्वे, हे ब़ा, कांकि तनु ईं आच्छे लाग़ले।
22 #
यूह 3:35;
यूह 10:15
“माये ब़ा ने मनु सब कोच्छ सोंपती ङिले, ते कुई ना जाणी कि पूत कूण छै, सेर्फ ब़ा, ते ब़ा कूण छै, ईं वी कुई ना जाणी, सेर्फ पूता चे, ते ओ जाये उपर पूत ओनु प्रकट करना चाहवे।” 23तब चैला ची ओर मुड़ती कर हेकले मां केहले, “धन्न छी वे आंखी, जको ये बाता जको तम्ही ङेखा वी, जको ङेखी। 24कांकि मैं तम्हानु किहे पला कि ब़ोहत से भविष्यवक्ता ते राजा ने चाह्ले कि जको बाता तम्ही ङेखा पले, ङेखो, पर कोनी ङेखलीया, ते जको बाता तम्ही सुणा पले, सुणो, पर कोनी सुणलीया।”
दयालु सामरी ची मिसाल
25 #
मत्ती 22:35–40; मरकु 12:28–34 ते ङेखा, हेक व्यवस्थापक ऊठला ते ईं केहती कर ओची परीक्षा करु लाग़ला, “हे गुरु, अनन्त जीवन चा वारिस हुवणे वास्ते मैं का करे?”
26ईशु ने ओनु केहले, “व्यवस्था मां का लिखले पले? तु किवें पढ़ी वी?”
27ओणे उत्तर ङिला, “तु प्रभु आपणे नरीकारा लारे आपणे सारे मन, ते आपणे सारे प्राण, ते आपणी सारी ताकत, ते आपणी सारी ब़ुध्दि लारे प्रेम राख, ते आपणे पड़ोसीया लारे आपणे समान प्रेम राख।”
28ईशु ने ओनु केहले, “तु ठीक उत्तर ङिला, ईं कर तां तु जीता रिहे।”
29पर ओणे आपणे आप नु धर्मी ठहराणे ची इच्छा लारे ईशु कनु पूछले, “तां माया पड़ोसी कूण छै?”
30ईशु ने उत्तर ङिला, “हेक बन्दे यरुशलेम कनु यरीहो जाये पलते, कि ङाकुवा ने घेरती कर ओची ओढ़णी उतारती गेली, ते मारती-कोटती कर ओनु अधमरा छोड़ती चाह्ले गेले। 31ते इसड़े हुले कि ओही मार्ग़ा कनु हेक याजक जाये पलता, पर ओनु ङेखती कर कतराती चाह्ला गेला। 32यूं करती कर हेक लेवी वे जग़हा उपर आला, ते ओ वी ङेखती कर मुँह फेरती चाह्ला गेला। 33पर हेक सामरी यात्री ओठे आती पुज़ला, ते ओनु ङेखती कर तरस खाला। 34ओणे ओचे गोढु आती कर ओचे फट्टा उपर तेल ते दाखरस नाखती कर पाटीया ब़ांहलीया, ते आपणी सवारी उपर ब़िसाणती कर ओनु धर्मशाला मां गेहती गेला, ते ओची सेवा-टहल करली। 35ङुजे ङिओ ओणे ङोन चान्दी चे सिक्के काढ़ती कर सराय चे मालका नु ङिले, ते केहले, ‘ऐची सेवा-टहल करियो,ते जको कोच्छ दुधे नेरे लाग़ी, मैं पुठा आती कर वे तनु ङिही जती।’
36“हमा दुधी समझी मां जानु ङाकुवा ने घेरती गेलते, यां तीन महु ओचा पड़ोसी कूण हुला?”
37धर्मशास्त्री ने केहले, “ओही जेह्णे ओचे उपर तरस खाला।”
ईशु ने ओनु केहले, “जा, तु वी इसड़े ही कर।”
मार्था ते मरियम चे घरा मां ईशु
38 #
यूह 11:1
जिसे बेले वे जई पलते, ते ओ हेक गांवा मां गेला, ते मार्था नांवा ची हेक असतरी ने ओनु आपणे घरा मां रोकले। 39ते मरियम नांवा ची विची हेक ब़ेहण हुती। वा प्रभु चे पग़्ग़ा चे गोढु ब़ेसती कर ओचा वचन सुणती। 40मार्था सेवा करती करती घब़राती गेली, ते ओचे गोढु आती कर किहुं लाग़ली, “हे प्रभु, का तनु कुई वी फिक्र कोनी कि माई ब़ेहणी ने मनु सेवा करने वास्ते हेकले ही छोड़ती ङिले? ऐवास्ते विनु केह कि माई मदत करो।”
41प्रभु ने विनु उत्तर ङिला, “मार्था, हे मार्था, तु घणीया बाता वास्ते फिक्र करी ते घब़रावी पली। 42पर हेक बात जरुरी छै, ओ सोणे हेंस्से नु मरियम ने चुणती गेले जको विकनु खोसला नी जई।”
Trenutno izabrano:
लूका 10: ODR
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
CC BY-NC-ND 4.0
