Tite 2
2
Achakole botoma ba nguli a grâce n’èchwa.
1Ko, kò, odikizaka bato mawo mango madi manyèki iyekol’a nènè phencha,
2oteyaka mikòtò ma baphele bwe, badyale onywa malèku ka, badyalaka, banyèki badyalaka mitema ma bophomu, badyalaka n’èchingane a nènè n’èlumba n’ètungu.
3Oteyaka mikòtò ma batò elenge ko yango bwe, badyalaka edyalele yango edi enyèki na bato b’èchwa, tadyalake na bonchènginya, tadyalake batamba ba phocha malèku, ko, bango badikizaka bana baninga beka binyòngò,
4tika bango badikize bachi bango bachaka bawoli kot’èdikize bwe, badingaka balomi ba bango na bana ba bango,
5badyalaka mitema ma bophomu na ma cheche, badyalaka bikoti, banyòngò, na batulizaka manchoto ma bango na balomi ba bango, echoko mawò ma Nzambe tadyala obèchiba ka yango.
6Oteyaka baphele bango bachaka bawoli elenge ko yango bwe, badyalaka na mitema ma bophomu o beka bichò,
7odikizaka kò koncha o beka bichò ko ndembo a matoma manyòngò bona, odikizaka cheche na monyèki o ch’iyekola,
8mawò mango madi na bophomu n’iwò twa, echoko ndoli tadyala na choni o wango tadyala oyicha bolobe iwò ibè na banga ka yango.
9Oteyaka baboy bwe, batulizaka manchoto na bakomandi ba bango o beka bichò, badyalaka banyèki na bango, tadyalake na moyetenu.
10Tadyalake n’èyiba na bwanya na bakomandi ko, badikizaka bango etungu, echoko bango tatocha iyekol’a Mobila Nzambe a bèni o beka bichò yango.
11Tonga grâce a Nzambe adikizaki yango koncha n’ichungib’a bato bachò,
12na dyango idikize beni bwe, botone beka bibè bichò na baphongo ba che, na bolòngò ilòngò a bophomu n’èchwa na bonyòngò ba Nzambe o che woni,
13o bobiko bwango bèni bonyèngize ichen’a moni o Nzambe monè na Jésus Christ, Mobil’a bèni tadikiza nchoto o botochibe,
14koncha wango aphèki nchoto a wi koncha tonga na bèni, tonga n’iphakola bèni o beka bibè bichò, n’atènize elòngò a bato ba wango koncha, bango badi chululu ikiela ekielele enyòngò.
15Kò, òlobaka kobona. Oteyaka n’ochekizaka bango na kilo echò. Moto nyò mò tidyancholi kò.
Trenutno izabrano:
Tite 2: BUI1947
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).