Hébreu 3
3
Christ aleki Moïse bonè. Mateyo tonga na bangotwichi ba mitema o phanyak’a be Israël, bango bawaki o enongo a bobè.
1Na kobona beni banyango ba nga ba baphele, beni bango bobiyamba mombela m’ikolo, bokiekaka n’ikièngu tonga n’Apôtre na Moyekochi monè, Jésus, koncha wango bèni bochingane,
2wango abèki n’ètungu na koncha wango ephèki wango botuki, ko Moïse abèki n’ètungu o cha ndako a Nzambe bona.
3Tonga wango alekaki Moïse eyènibe na kilo a botochibe, motwatwa ko motongi a ndako ayènibe na kilo a botochibe eleki ndako bona.
4Ndako ikika edi na motongi a yango, ko Nzambe adi motongi a beka bichò.
5Ko Moïse wango abèki n’ètungu o cha ndako a Nzambe, ko mochali bona, ko ndembo a beka byango tichakwiba bona.
6Ko Christ abèki n’ètungu o ndako a wango ko mwan’a bole bona, ndako a wango edi banga, mo banga bobandame n’ètungu na bokili o cha moni m’ichena kokoko ncho bochukele.
7Edi Eyaye Echwa elobe kobo: ”Lò, mo beni bowoke ikingo a wango,
8tongotwizake mitema ma beni, ko o bucha b’ibèli bona, ko bango bakielaki o enongo a bobè, o bucha b’iphèphi bona,
9ko bachango ba beni baphèphizaki nga, na bamèkaki nga bona, o bango bayènèki matoma ma nga baphela mako manè.
10Echoko nga bèlèki na mololongi mwango, na nga lobaki bwe: ”Mitema ma bango milenguze bango kokoko yango, bango odinga boyebe manè ma nga ka.
11Na nga dyengaki o ch’ibèli a nga bwe: Bango tikoli o ch’iywe a nga.”
12Banyango ba baphele ba nga, bokiekaka n’ikièngu ta wona mò adyale o phanyak’a beni na motema mobe m’iphomunya, na kobona wango alangwe o ma Nzambe a bomwè.
13Ko, boteyanaka kokoko ncho o beni tòwoka bwe, lèbo mòchi moto nyò mò otete a beni adyale ongotwiza motema ma wango na machuma ka.
14Tonga mo ika a Christ idi o cha banga, owana banga bochobe echingane atabocho n’ichimbo kokoko ncho o bochukele.
15Okomo kinòwa balobe bwe: ”Lò, mo beni bowoke ikingo a wango, tòngotwizake mitema ma beni ko o bucha b’ibèli bona,”
16bakoncha bango babèlizaki wango o bango bawokaki mawò ma wango, ebèki ba nda? Ebodyala bakoncha bango bachònòki na Moïse o Egypte ka?
17Bakoncha bango wango abèki n’ibèli na bango baphela mako manè, ebèki ba nda? Ebodyala bakoncha bango bakielaki machuma ka, na manchoto ma bango mabokwabana o enongo a bobè ka?
18Idyenga dyango wango adyengaki bwe, bango tikoli o ch’iywe a wango, ibèki tonga na ba nda, ebodyala tonga na bango babèki n’iwokake ka?
19Kobona banga boyènè bwe, bango baboyicha bokole o cha mwe ka, ebèki tonga n’iphomunya.
Trenutno izabrano:
Hébreu 3: BUI1947
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).