2 Timothée 2
2
Ateye bango bwe, bayale n’ètungu, na tadyalake na bakako.
1Kò mwan’a bole a nga ebati a Nzambe, olèndizaka ebati a kò koncha o grâce, wango edi o ch’a Jésus Christ.
2Beka byango k’òyekolaki na nga o bocho ba bandèngè bakama ophèke byango na baphele b’èchwa, bango badi banyèki boyekuze bana baninga byango.
3Ochanganaka nà kò na nga o ch’ichèbo, ko soldat monyòngò a Jésus Christ bona.
4Moto nyò mò adi ochingana mochalo m’idwa beka o bobiko bwango wango adi o bita ka, tonga wango adinge bochangize koncha wango ekanaki wango o mochalo.
5Elenge ko yango mo moto akole o phanyak’a baninga tonga n’imèka mpangu, mo wango adi obangana ko elenge a miyeko midi bona, wango adi oyamba ngul’a botochibe ka.
6Koncha wango ekiele mochalo ma kuba, wango adi monyèki idya mpuk’a yango nò dyò.
7Oyebaka mawò mango nga lobe kot’èyebele, Mokonchi mwango koncha tophomuza kò o beka bichò.
8Obatelaka Jésus Christ, koncha wango ewumwaki o bowe, wango adi mompoto ma David, ko mina minyòngò myango nga chakole bona.
9Nga chèbè o mochalo ma myango kokoko ncho mangièngèlè ko nchanga bona, ko, mawò ma Nzambe madi okangiba ka.
10Echoko nga bandame n’ètungu tonga na bato ba bochònga yango, echoko nà bango tadwa ichungiba o ch’a Jésus Christ na botochibe ba biteneli yango.
11Iwò di idi ngingi, tonga mo bèni bowaki na wango, owana bèni tolòngo na wango dyòkò.
12Mo bèni bodi n’ètungu, owana bèni tokomande na wango. Ko, mo bèni botate wango, owana nà wango tatata nà bèni.
13Mo bèni bodi echingane twa, wango abike n’ètungu. Tonga wango oyicha botate ebati a wikoncha ka.
14Obatizaka bango beka bi bichò, odyèngaka na bango o bocho ba Nzambe bwe, bango tayikake mibambi, tonga myango odwa eyeka ka, myango midyobize bakoncha bango bawoke mowoka phencha,
15Okielaka mochalo kot’èkielele, tonga n’idikiza ebati a kò koncha ko moto wango adi monyèki a wango amèkibaki bona o bocho ba Nzambe, ko mochali wango edi choni twa, wango achakole bato mawò ma nènè kot’èchakole.
16Obanganaka mawò m’iphwa ma bwabona, tonga bango balèki ekiendele mochika o machuma.
17Tonga mawò ma bango tanyanga ko phota èphele bona. O phanyak’a bango badi Hyménée na Philètè.
18Tonga o bango balobe bwe bowumwele buchila, bango babiphambwa o nènè, na bango bachekole echingane na bana baninga.
19Ko, nchalel’a Nzambe a ngingi ebike, na yango edi na ndembo ye: ”Mokonchi moyebe bato ba mwango ”na” moto ikika etange kombo a Mokonchi, alangwe o matoma mabè.”
20O ch’a ndako enè edi odyala beka b’èdunga a or na argent phencha ka, ko, nà beka ba mabaya na manyeto, bina beka ba botochibe, bina beka ba botochibe twa.
21Kobona mo moto amiche matoma mabè o ch’a motema ma wango, wango tadyala ko eyek’a botochibe bona, ebilòngiba n’ènyèki a Mokub’a wango elongibaki tonga na matoma manyòngo machò.
22Obanganaka baphongo ba bawoli, oyengaka echwa, echingane, elumba na phi kot’eyengele na bakoncha bango batange kombo a Mokonchi na motema ma cheche bachò.
23Onakolaka biyangi ba biwawunga na bolokicha, tonga byango bibote mibambi.
24Mochali a Mokonchi tadingake mitoko, ko wango adyalaka na ndèphè na bato bachò, ayichaka bayekuze baninga, adyalaka na chabo.
25Oyekuzaka bakoncha bango badi n’èyaye a ngongoto na ndèphè, odyalaka n’ichena bwe, Nzambe taphè bango phocha iyencha mitema tonga n’iyeba nènè,
26na bango tayeba elangwele yango bango talangwa o meya ma Satana, myango bango bawuchaki tonga n’ikiela bodingo ba wango.
Trenutno izabrano:
2 Timothée 2: BUI1947
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).