1 Timothée 5
5
Paul achakole bango ekielele yango bango takiela na bachani na baphomba bango badi o ebuliki a Nzambe.
1Tochekizake mokòtò ma bole nikichi, ko, oteyaka wango ko chango bona, na bilenge ba baphele ko banyango ba baphele bona.
2Oteyaka bakòtò ba batò ko bibunani bona na cheche echò.
3Otochaka bachani ba batò mo bango badi kota bachani.
4Mo mwatò a chani adi na bana nyò bandala bango taphota boyekole bodikize elumba na banyango ba bango nò dyò, na bawute bibembo ba banyango, byango bidi na bango, tonga kobona edi enyèki o bocho ba Nzambe.
5Ko, koncha wango edi mwatò a chani adi tètè kota chani atikane wi phencha, wango adi n’ichena a wango o ma Nzambe, na wango abandame o mayonga na mabondima nà mokolo na mochè.
6Ko mwatò a chani wango ayenge moni phencha wango adi na bowe nchene wango adi na bomwè.
7Otindaka bango mawò mango echoko bango tadyala n’iwò twa yango.
8Ko, mo moto adi owuya ingomb’a wango ka, n’olekiza bowuye bakoncha bango badi o ndako a wango ka, owana wango abitata echingane n’alèki koncha wango adi echingane twa bobè.
9Okòtèkè kombo a ”mwatò mo wango apholaki baphela mako machamano, n’abèki molomi ko mò phencha”,
10n’adi na kum’a matoma manyòngò, mo wango akatizak bana nonyòngò, mo wango alezaki babutu, mo wango achòchaki makolo ma bato b’òchwa, mo wango akielizaki bato o machèbo, mo wango ayengaki bolondo matoma manyòngò machò.
11Ko, toyambake bato ba bachani bango bachaka bilenge, tonga o bango bachil’otonde n’ilèmu a Christ, bango badinge bolòngibe dyòkò,
12na kobona bango badi n’iwò, tonga kobona kacha èlumb’a bango a tabocho ichila.
13N’iwò akbwi dyòkò, bango bayekole bodyale bimèmè, badi bidondongolo, ko, odyala bomèmè phencha ka, bango bakiele bochènginya, na badi biyelele, badi oloba mawò mango madi manyèki ka.
14Echoko nga dinge batò ba bachani, bango bachaka bilenge balongibe yango, babote bana balòngele mandako ma bango nonyòngò, na kobona badi ophè ndoli iwò a mbèchi ka.
15Tonga tètè kinòwa ye bana baninga babichekwa na babilondo Satana.
16Mo moto èchingane nyò bole nyò mwatò adi na batò ba bachani, owana edi iwò a wango iwuya bango, toyakake bdito bu o nchoto ebuliki a Nzambe, echoko yango tèyicha bowuye bachani bango badi kota bachani yango.
17Mikòtò ma baphele myango miwuye bibuliki ba Nzambe kot’èwuyele, tika myango miyambe botochibe mayamba mabale, tètè myango michakole mawò na midikize bato.
18Tonga mawò ma Nzambe malobe bwe: ”Tokangake muna ma ngombo wango adyate lòchò,” na; ”mochali adi monyèki n’iwut’a wango.”
19Towokake mawò ma phundi o nchoto a mòkòtò ma bole, mo k’òch’owoka na bandèngè babale nyò bachato ka.
20Bakoncha bango bakiele machuma ochebizaka bango o michò ma bato bachò, echoko bana baninga tadyala na bobo yango.
21Nga dyènge na kò kot’èdyangele o bocho ba Nzambe na Jésus Christ na bangelo bachòlibaki bwe, owokaka mawò ma machò, todyalake na bichimunye byango ko koncha bichil’ochòchò, ko, odyalaka ko moto wango adi odyala na kachelanga ka bona.
22Toyakake mabòkò o ma moto dyolo, na tokolake o machuma ma bana baninga. Ochobaka kò koncha cheche.
23Tobandamake bonywe mè phencha, ko, onywaka nà du vin eki tonga na mwe ma kò, tonga k’òdi n’èkoni o mwe kokoko.
24Machuma ma bana baninga madi o phololo, na mango makiè bango bocho o botote, ko, mango ma bana baninga mango maluphe bango o chima.
25Na matoma manyòngò madi elenge ko yango, matube nà mango o phololo, mo edi odyala kobona ka, mango oyicha bobombibe ka.
Trenutno izabrano:
1 Timothée 5: BUI1947
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).