Hena Waroma 3
3
1Luneto anira ena Myahudi? kana mbucha ani ioho ghati ya kutawana? 2Nyingi hena nzia yose: kuwoka kwa vyose, ti hawo yawikiwe mitinda ya Izuwa. 3Amu nize ije mondo wesiitikije? kusaitikija kwawo kuneareha luitikijo lwa Izuwa lusioke na zinya? 4Kiwawe: ee, Izuwa aoke wa kididi, nde mundu ose wa maongo; sandu itamiwe, Nesa uarehiwe ngalo ghati ya viteto vyako, na ulele magheri uingie na wuchili. 5Kake ije wusiwungalo wetu wuietie luisiso ngalo ya Izuwa, tuneghambaze? Izuwa tenaye ngalo ekiza na oro? (nateta hena mikayie ya wandu). 6Kiwawe: amu nizera Izuwa enemachilia masanga? 7Kake ije hena maongo mangu kididi ya Izuwa iizue hena kirumi kyakwe, nini na mi pia ingeriaha nachiliwa sa mung’oki? 8Na nini isioke (sandu twatetwa hena kuchunganja, na sandu mondo weghamba ti twaghamba), tukete viwiwi, nesa vyedi vize? wuchili‐wa‐kugwa wawo ni wa singisi.
9Nikinira? uswi tuikee na viwiwi kukela wo? hai, nete kadongo: amu kuwoka tuwalinganye na Wayahudi na Wayonani, ti wose weoho si ya ng’oki; 10sandu itamiwe, Tehena mwenye ngalo, hai, nete mwe; 11Tehena nete etwarija, tehena nete emwenda Izuwa; 12Wose wegharuka mbai, wose waoka wesina mbucha; tehena nete eketa vyedi, hai, nete mwe. 13Mrangi wawo ni mbira mwaji; na malumi mawo weketa makengo; wusungu wa nyoka ni si ya miomo yawo: 14Itumbu lawo laizua iseso na luwawo; 15Maghu mawo ma usara kuitisha sakame; 16Wuale na wasi ghati ya nzia jawo; 17Na nzia ya luworo tewemaijewo, 18Tehena fole ya Izuwa msongorana wa meso mawo. 19Na twatisiwa ti vyose iteta sheria, iwatetia wala weoho si ya sheria; nesa itumbu lose lihujijwe, na masanga mose maetwe si ya wuchili wa Izuwa: 20amu hena mihiro ya sheria tehena mwenye muri enearehiwa ngalo mesoni hakwe: amu hena sheria ni lutwarijo lwa ng’oki. 21Kake ingeriaha hesina sheria ngalo ya Izuwa yawikwa mwaji, ikioka yang’oliwa mburi na sheria na waroti; 22niyo ngalo ya Izuwa ioho hena luitikijo lwa Yesu Kristo hawo wose weitikija; amu tehena kulelana: 23amu wose waketa ng’oki na waduhuka hena kirumi kya Izuwa; 24wekiarehiwa ngalo wesho na mvono wakwe hena lukombolo luoho ghati ya Masihi Yesu: 25eye Izuwa emng’olie kuoka lukundanyo, hena luitikijo, hena sakame yakwe, kuwonja ngalo yakwe amu ya luwushijio lwa ng’oki jivetie, ghati ya lugumirio lwa Izuwa; 26kuwonja, — naghamba, hena magheri ama, ngalo yakwe, awone mwenye kuoka na ngalo, na mwarehia ngalo ula ena luitikijo ghati ya Yesu. 27Kuohi kukuisisara? Kwakindwa. Na sheria ani? ya mihiro? hai, nde na sheria ya luitikijo. 28Hena lwa iyo tutara ti mundu ni wa ngalo esina mihiro ya sheria. 29Kana Izuwa ni wa Wayahudi tiki? si ye wa Mambare pia? Ee, wa Mambare pia: 30kwakicha Izuwa ni mwe, na enewaarehia ngalo wa kutawanwa kufuma luitikijo, na wa kusatawanwa hena luitikijo. 31Twaioshara haya sheria hena luitikijo? Kiwawe: ee, twaiimusha sheria.
Trenutno izabrano:
Hena Waroma 3: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.