Malumbo 96
96
1Mbinieni Mzuri kivino kisha: mbinieni Mzuri, masanga mose.
2Mbinieni Mzuri, litasieni izina lakwe: lutindieni lukio lwakwe musi mtano musi.
3Toranyeni kirumi kyakwe ghati ya mbare: marighio makwe ghati na ghati ya wandu wose.
4Amu Mzuri ni mbaha, na einarwe kuisiswa muno: niye wa kufolesha kukela maizuwa mose.
5Amu maizuwa mose ma wandu ni sanamu: kake Mzuri niye ejilungie wanga.
6Nganyi na ubaha msongorana wakwe: zinya na uwedi uoho ghati ya heshenete hakwe.
7Mwingeni Mzuri, unywi mbare ja wandu: mwingeni Mzuri kirumi na zinya.
8Mwingeni Mzuri kirume kiinarwe na izina lakwe: eteni king’olwa, na ingieni na viwanza wakwe.
9Mwombeni Mzuri ghati ya uwedi wa wusheneto: dedemeni msongorana wakwe, masanga mose.
10Teteni ghati ya mbare, Mzuri eitoria, masanga pia maduwijwa masiidima kudedemishwa: enejichilia mbare na singisi.
11Wanga jiisejwe, na masanga maizihirwe: bahari irurume, na kuizua kwakwe.
12Mteme ung’are, na vyose viohoho: niho miti yose ya kitito inevina hena luizihiro.
13Msongorana wakwe Mzuri, amu eza; amu eza amachilia masanga: enemachilia masanga na ngalo, na mbare na kididi yakwe.
Trenutno izabrano:
Malumbo 96: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.