Malumbo 91
91
1Ula etua ghati ya handu‐ha‐mbiso hakwe Eye wanga ya vyose: eneikaa si ya kivuri kyakwe Mwenye‐zinya.
2Ninemtetia Mzuri, Niye matukio langu na boma yangu: Izuwa wangu, eye namwitikija.
3Amu enekung’ola ghati ya izero la mwendandeghe: na ghati ya ndwari mbiwi.
4Enekufinikira na mazaghu makwe, na si ya mazaghu makwe uneareha matukio: kididi yakwe ni ngao na finikiro.
5Toukaondoke we hena luitisho lwa kio: nete hena mvwi utonga hemusi.
6Hena ndwari yasela kijeni: nete hena unyamaro utesha hemusi.
7Elfu wenegwa hena mbai yako, na elfu ikumi hena mkono wa kuume wako: kake tekikakusongerie we.
8Kake na meso mako uneyoa: na unekiwona kiingwa kyawo wawiwi.
9Amu We, Ee Mzuri, niwe matukio langu: umwosha Eye wanga ya vyose matuo mako.
10Tehena kindu kiwiwi kinekuzia: nete tehena ndwari inesongeria hema yako.
11Amu enewang’olia malaika wakwe aghanyo wanga yako: wakurinde ghati ya nzia jako jose.
12Wenekutika mikononi hawo: usikubighe kughu kwako na ibwe.
13Unejiwata simba na nyoka: mwana‐simba na nyoka mbaha unejiwatawata na maghu.
14Amu ewika lukundo lwakwe wanga yangu, hena lwa iyo ninemkija: ninembika wanga, amu elitisiwa izina langu.
15Eneniitangia, na ninemtalwa; nineoka naye ghati ya wasi: ninemkija, na ninemguria nganyi.
16Na kukia kweza ninemwighusha: na ninembondja lukio lwangu.
Trenutno izabrano:
Malumbo 91: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.