Malumbo 81
81
1Tumbinie muno Izuwa zinya yetu: tumlozie hena kuizihirwa Izuwa wa Yakobo.
2Wushijeni lumbo, eteni na kunu ngoma: kinubi kya kuiseja hamwe na kinanda.
3Bigheni lughunda hena mweji msha: hena mweji mbaha, hena musi wetu mbaha na wa kuitusha.
4Amu ni itanawo hena Israeli: aghanyo la Izuwa wakwe Yakobo.
5Ekiwikie ghati ya Yusuf hena mburi, ekinafume wanga ya isanga la Misri: hala nivisikie viteto nisivitisiwe.
6Ning’olie kituro kyakwe ghati ya kutika mwagho: mikono yakwe ikashighiriwa ghati ya mbinda.
7Uitange ghati ya wasi, nikakukija: nikakutalwa ha handu ha mbiso ha kururuma: nikakughesha ha mbombe ja Meriba.
8Sikieni, wandu wangu, ninekuliya mburi: ee Israeli, kwakicha unenisikija.
9Tekaoke izuwa wa kigheni hako: nete toukaombewe izuwa wa kigheni.
10Nimi Mzuri Izuwa wako, Eye ekukweja kufuma isanga la Misri: ulijughue itumbu lako nezo, na nineliizuja.
11Kake wandu wangu tewelisikijawo ighonda langu: na Israeli tenikundieye nete kadongo.
12Huwo nikawashigha kuratera kugolong’a kwa ngoro yawo: nesa wasele ghati ya mburi yawo wenye.
13Kashi wandu wangu wekinisikija: kashi Israeli ekisela ghati ya nzia jangu!
14Ineoka wanguwangu ninewalela maring’a mawo: na ninegharusha mkono wangu wanga ya wazo wawo.
15Wala wemsua Mzuri weneoka wekikugera si yakwe: kake magheri mawo meneoka mekiikaa ndarasi.
16Eneoka ekiwarisha pia na ngano yedi kukela yose: na nineoka nikikuighusha na nzoke kufuma ibweni.
Trenutno izabrano:
Malumbo 81: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.