Malumbo 65
65
MUSI 12 CHAMAGHERI
1Luisiso lwakuinda, Ee Izuwa, ghati ya Sayuni: na raro linearehiwa hako we.
2We usikia kuomba: wenye muri wose weneza hako.
3Mawiwi manilela: na matekwa metu, unemahaija.
4Etasiwa mundu umsaghurie, na umsongerije hako; nesa atue ghati ya viwanza vyako: tuneighuta na uwedi wa nyumba yako, heshenete ha hekalu lako.
5Na vindu vya kuitusha unetutalwa ghati ya ngalo, Ee Izuwa wa lukio lwetu: niwe luing’idaki lwa miidiwiko yose ya masanga nawo weoho hae baharini.
6Eye na zinya yakwe eimusha nduwi: ekidoka luidimo kikudini.
7Eye ehujija kururuma kwa bahari, na kururuma kwa visibwe vyawo: na ilimana la mbare.
8Wala pia wetua hae kukela wose weituka hena maluwano mako: waosha mifumie ya heyawo na chamagheri iizihirwe.
9Umazia masanga, umanyosha: umamazija muno.
10Mfuro wa Izuwa uizue mbombe: uwaarehia mbeu, ukimaarehia huwo masanga.
11Wanyosha maforo makwe muno, waseja vituwi vyakwe: wamanyoija na kime; watasia kumea kwakwe.
12Wahamba mtwi wa mwaka na uwedi wako: mavetio mako meng’ola kubanda.
13Wakang’ola wanga ya marisho ma shighati: najo nduwi jadoka luizihiro.
14Marisho mafinikirwa na mafio: namo mawongo mefinikirwa na mbeke, meloza hena luizihiro, mevina pia.
Trenutno izabrano:
Malumbo 65: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.