Malumbo 146
146
1Mwisiseni Mzuri. Mwisise Mzuri, ee ngoro yangu: nikioka na moo ninemwisisa Mzuri; ninembinia Izuwa wangu maluisiso magheri nakia.
2Musiitikije hena wafumwa, nete hena mwana wa mundu: amu tehenaho lughenjo hawo.
3Kuhema kwakwe kwafuma, eihundukia teri yakwe: musi ulaula makusaro makwe mateka.
4Etasiwa ula emhete Izuwa wa Yakobo hena lughenjo lwakwe: na luing’idaki lwakwe luoho ghati ya Mzuri Izuwa wakwe.
5Eye ejiarehie wanga na si, bahari, na vyose viohoho: eigura kididi ndarasi.
6Eye eketa wuchili hena wala weinyalwa: eng’ola kidjo hena wenye nzaa.
7Mzuri ewachungua wala wechungwa: Mzuri ewajughuie meso wala webajike‐meso.
8Mzuri ewawushija wala weinama: Mzuri ewakundie wenye ngalo.
9Mzuri ewarinda wagheni, ewaimusha wala wesina wawee na ngawiani: kake nzia yawo wawiwi eikodesha.
10Mzuri eneitoria ndarasi: Izuwa wako, ee Sayuni, mtano marika mose. Mwisiseni Mzuri.
Trenutno izabrano:
Malumbo 146: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.