Malumbo 135
135
1Mwisiseni Mzuri; litasieni izina lakwe Mzuri: mtasieni unywi wazoro wakwe Mzuri.
2Unywi mwaimuka nyumbeni ha Mzuri: viwanzeni ha nyumba ya Izuwa wetu.
3Mwisiseni Mzuri; amu Mzuri ni wedi: livinieni izina lakwe, amu laiseja.
4Amu Mzuri ekusaghurie Yakobo: na Israeli aoke suli yakwe mwenye.
5Amu natisiwa ti Mzuri ni mbaha: na ti Mzuri wetu ni wanga ya maizuwa mose.
6Kyose Mzuri ekikundie, nikyo ekiketie: wanga na si, na ghati ya bahari na heforeke hose.
7Emakweja majumbi kufuma miidiwiko ya masanga, eareha vimereteko hena mvua: eing’ola ngungu ghati ya sule yakwe.
8Eye ewabigha wa mbele wa Misri: na nyama na wandu pia.
9Akaingija maluwano na marighio ghati yako, ee Misri: wanga yakwe Farao, na wanga ya wazoro wakwe wose.
10Eye ebigha mbare nyingi: akakoma wafumwa wenye zinya.
11Sihon mfumwa wa Waamori, na Og mfumwa wa Bashan: na mafumwa mose ma Kanaan.
12Akang’ola isanga lawo hena uhoja: uhoja hena Israeli wandu wakwe.
13Izina lako, ee Mzuri, laikaa ndarasi: na lukumbusho lwako ghati ya marika mose.
14Amu Mzuri enewachilia wandu wakwe: na enegharuka ghati ya vindu vya wazoro wakwe.
15Sanamu ja mbare ni fetha na thahabu: ndima ya mikono ya wandu.
16Wena matumbu, kake tewetetawo: wena meso, kake tewewonawo.
17Wena masikio, kake tewesikiawo: nete tehenaho luhemo ghati ya matumbu mawo.
18Wala wewaareha wenefwanana nawo: ee, wose weitikija hena sanamu jila.
19Ee nyumba ya Israeli, mtasieni Mzuri: ee nyumba ya Harun, mtasieni Mzuri.
20Ee Nyumba ya Lawi, mtasieni Mzuri: unywi mumwondoka Mzuri, mtasieni Mzuri.
21Atasiwe Mzuri kufuma Sayuni: eye eikaa Yerusalemi; mwisiseni Mzuri.
Trenutno izabrano:
Malumbo 135: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.