Mihiro ya Waondo 26
26
1Agrippa akamburra Paulo, Waingwa kuteta mburi yako. Paulo akaronga mkono, akakurinda:
2Hena vindu vyose nalinganywa ni Wayahudi, mfumwa Agrippa, nakuwona na uwedi nikiteta msongorana wako yoo: 3amu wacheijwa nezo ghati ya mikayie yose na mawujanyo meoho ghati ya Wayahudi: amu ii nakusemba unisikie na mboha. 4Mitongie yangu too kuoka mbwange, iokie too kuwoka ghati ya mbare yangu ghati ya Yerusalemi, Wayahudi wose wetisiwa; 5wekitisiwa too kuwoka, wekikunda kung’ola mburi, ti hena siri irongeke ya kuomba kwetu niikee Mfarisayo. 6Na ingeriaha naimuka nichiliwe hena luing’idaki lwa lutemiano luarehiwe ni Izuwa hena waapa wetu; 7najo mbare jetu ikumi na mbiri, wekimtumikia Izuwa hemusi na kio na ngoro, wekundie kulufikia lutemiano ulu. Hena luing’idaki ulu nalinganywa, ee mfumwa, ni Wayahudi. 8Hena kini kyawonwa kisiitikijwa ni unywi, Izuwa awushe wefwie? 9Kididi nigheshijie ngoroni, ti yaniwe kuketa vindu viingi wanga ya izina lakwe Yesu Mnazareti. 10Nikaketa huwo ghati ya Yerusalemi: na washenete weingi nikawachunga vichungoni, nikiingwa zinya na wakohani wabaha, na wekikomwa, nikang’ola ighonda langu wanga yawo. 11Na nikiwaihija kando keingi ghati ya masunagogi meingi, nikawasingirija watete viwiwi; na nikioka na oro nyingi wanga yawo nikawakinya mtano ghati ya viongo vya hae. 12Huwo nikitonga Dameski na zinya na aghanyo la mkohani mbaha, 13kilungulungu, ee mfumwa, niwonie nzieni kiangaji kufuma wanga, kibaha kukela kiangaji kya zano, kikiwaa wangu yangu nawo wezoka nami. 14Tukagwa wose si, nikasikia ighonda likiteta nami, likighamba hena viteto vya Kiebrania, Saul, Saul, hena kini wanikinya? kidindie ubighe na izerre vila vyasoma. 15Nikaghamba, Niani we, Mzuri? Mzuri akaghamba, Nimi Yesu, unikinya we. 16Kake wuka, imuka wanga ya maghu mako: hena ii nakufumiria, nikuoshe esinga na mng’oli‐mburi ya ivi uviwonie na vila ninekuwonya; 17nikikung’ola mikononi ha wandu na Mbare, nikikutuma hawo ingeriaha, 18uwajughuiye meso, uwagharushe ghati ya kija hena kiangaji, na ghati ya zinya yakwe shetani hena Izuwa, waingwe lushigio lwa ng’oki na uhodjo ghati yawo weshenetijwa, hena luitikijo luoho hangu. 19Nami, mfumwa Agrippa, sigolong’a mi wanga ya mawonyo ma wanga: 20kake kuwoka hawo weoho ghati ya Dameski nawo ya Yerusalemi, mtano masanga mose, hena Wayahudi na hena Wambare, nitindie kuchwa‐muti na kumgharukia Izuwa, wekiviketa viwawe kuchwamuti. 21Amu ii Wayahudi wakanigura ghati ya hekalu, wakakunda kunikoma. 22Nikighenjwa ni Izuwa nioho mtano yoo, nikiwang’olia mburi wadongo na wabaha, nisitete kindu nde kila na Musa na waroti weghambie kineza; 23ti yambe Masihi awinywe, na ti kuwoka hena luruko lwa wefwie enetinda kiangaji na hena wandu na hena Wambare.
24Naye ekikurinda huwo, Festo akaghamba na ighonda ibaha, Kucha kwako kwateka, Paulo; Kuloshwa kwingi kwakutesha kucha. 25Akaghamba, Kucha kwangu tokuteka, ee Festo wedi; kake nang’ola viteto vya kididi na vya mng’ana. 26Amu mfumwa evitisiwa ivi, msongorana wakwe nateta nisina fole. Amu nawona ti tehena kiteto kya ivi kyawiswa hakwe, amu tekiketika iki ngandeni. 27Mfumwa Agrippa, wawaitikija waroti? Natisiwa ti waitikija. 28Agrippa akamburra Paulo, Hena vidongo ukundie kuniosha Mmasihiya. 29Paulo akaghamba, Namwomba Izuwa, hena vidongo kana hena vibaha, si we tiki, nde wo wose wenisikia yoo, waoke sa mi, wesioho na machungo ama.
30Ekiidiwa kuteta ivi, mfumwa, na mwitoria, na Berenike wakawuka, na wala weikee hamwe nawo. 31Wekitonga mbai wakateta wonawo, wakaghamba, Mundu uu teketaye kindu kya kuenda kufwa nete kuchungwa. 32Agrippa akamburra Festo, Mundu uu eidima kuchunguwa, kwakicha temwitangia Kaisari.
Trenutno izabrano:
Mihiro ya Waondo 26: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.