Tànkùt 22
22
1Lén ndùb bwô ntshùa
nkàb yàme,
nelèn njoṅ mèn ntshùa silba bo gol.
2Ngankàb bo mbwoṅ b'a ndaṅndaṅ,
a b'a Tshùaben bèn nabte ntu tshob bàa fa.
3Ngazete #Tànk. 27.12num njen mba nukebwô se' là
nkù ù;
là mèn z'a ke' lèn nezete là bémte ntshùa,
là, nket nge' i.
4Bin bwôg Tshùaben, mbe ghabétni,
ndùlala ndù nda' zin be nkàb, mba ghamte bo yôg.
5Njô boa njwi' be num manze
mèn kebwô là,
là ngazete z'a lèn njoṅ yôg se là ke nde' yen manze l'a nele'e.
6Tswite mèn manze ntùn ndùs'a tshwèt
nto'te yôg là.
Ndùs'a nsi tù' njwèn mèn nà, a ke nsi bèn
sô ku i bwe.
7Ngankàb be nko' tu bwoṅbwoṅ
nganjo tù' nkuan mèn z'a
tshwèt nkùa i là.
8Mèn ywit nuketsin mb'a nsi tsho' nukebwô
yen nà nsi b'a nevù ntsha z'a nsi biagt'é là.
9Bo nsi tam ntse mèn z'a ghù ntshù neṅwate là
nummb'a be mfà ze bàn
mbwoṅ num bàn i.
10O ta' ngatshabte mba tantshu nsi
mi:
Mba tute bo ntanta nsi tsine.
11Mèn z'a kô neghù ntù nelàne,
ngù ntshob mebwô num nkub ntshu mi là,
mfen bèn mbe nshun i.
12Miag Tshùaben num béb
zenu;
là, a num nsate ntshob ngamfùm.
13Ndô num ntshob ndù: Ngwayit
num ntshundà,
be me tum a zwi àm num manze!
14Ntshu kattù bènnzwi b'a
ghem z'a tsho neshu là;
mba we lo ze Tshùaben ya ntù num i là
nsi vù ntùm bwe.
15Bà num ntàn num mônke',
là, shua' netsiagte nu yi sô i nèn ngua' ngùanesà.
16Mèn ke mfétte mbwoṅ mb'a
ke mfà à fen yi;
mèn ke mfà ngankàb mb'a ke
nekôg i.
Bamnà num tshu nzenze
17Kù' ntoṅ nju' ntshob ghazenu,
yab ntù o num yàm
nesiaṅte.
18Nummb'a bwô ndù o lem men ntshob là
ntù o,
a bwô ndù a ke mbe num
nkub ntshu mu njoṅ ndù fa.
19Ndùlala ndù o yab ntù o
num Tshùaben,
tu wul àm nsi zi't'o sènni, kua' wù.
20Me lo ke yà kite
ntag wù boa nkwate ké?
21A na' mb'a ndù me tswit'o tshu nenùne,
ntshob nenùne,
ndùlala ndù o lo' ntshob nenùn mbùnte yi
mèn z'a tshwèt ntum o là.
22Kà fétte me fùag mèn mb'a
be mbwoṅ nà,
ke bèn mfétte njennge'
nzendà ngô.
23Nummbe Tshùaben nsi tshètte njam yub,
biagte yôg ben tse bo na' ndag ntsha' yub là.
24Kà ke njôg shun bin ngayantù,
ke ke nzin bin ngafètte lem,
25mbwôg ndù kà ngùninu mi lat num o
ntù' ywi' wù num ntù o.
26Kà be netèt ben bo num nkwé bu
mèn nà,
netèt ben bo num njab tshwèt num ba njo là;
27a be z'o ke' ghù ju netô
njo yi là!
Mba bo nsi bù' o num
kunndà so.
28A ke' bwô ndù o tsho' njwèn loṅ ndùnsi
se tà tsho na' nte nsi là.
29O to' yen nkum ngafa'
tshwèt fa' ké?
A nsi b'a num fa' fenfen
ke b'a mbaṅ lamte benntùn.
La Sainte Bible en Bamiléké-Medùmba © Alliance Biblique du Cameroun, 1993. All rights reserved.