HOSIA 3
3
Hosia Idi Decur Luk Na Lutep
1Idi teh kebala Tuhan negku, “Do' iko amé' sekua' teh inan awanmu luk inanmu mawa, sagan tu pana' ieh pasét. Do' mawa neneh mepad kudeng Ui mawa nelun Israil, sagan tu pana' ideh maya' allah baken luk inandeh maré kireng bua' anggur.”
2Idi ui nenguli' neneh ku pulu' limeh balad pirak idi limeh ngepulu' gatang ikun. 3Kebalaku neneh ieh miak tudo mio denganku. Ieh na miak pasét. Idi na ui pamung rudap denganneh teh. 4Ilungneh, lun Israil miak mulun mio dengan na raca' idi lun ngimet, dengan na maré baré, idi na ulung, idi na akang idi ayu allah baken teh, pad ngelio luk mangun muci. 5Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.
Trenutno izabrano:
HOSIA 3: BLD
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
BALA LUK DO' Lun Bawang Bible © The Bible Society of Malaysia 1982, Second Edition 1998.