लूका 15
15
गुआची दी पेड्ड दी मसाल
1सारे चुंगी लेने आले ते पापी ओदे कोल आंदे रौंदे हे के ओदीयां गल्लां सुनचै। 2ते फरीसी ते शास्त्री नराज ओईयै अप्पुं पिछें आखन लगे, “ए ते पापीऐं कन्ने मिलदा ऐ ते उन्दे कन्ने खन्दा ऐ।”
3ते ओनें उनेंगी ए मसाल बोली, 4“थुआड़े च कोन ऐ, जेस दियां सौ पिड्डां ओंन, ते उन्दे बिचा एक गुआची जा, ते निन्यानबे गी जंगल च छुड़ीयै, ओ गुआची दी पेड्ड जदूं तकर मिली नेई जा तुपदा नेई रवै?” 5ते जेलै मिली जन्दी ऐ, ओसलै ओ बड़ी खुशी कन्ने उसी अपने मुंड्डे उपर चुकी लेनदा ऐ; 6ते कर च आईयै दोस्त ते मल्लेदारें गी सदियै आखदा ऐ, मेरे कन्ने खुशी मनाओ, किके मेरी गुआची दी पेड्ड मिली गेई ऐ। 7“आऊँ थुआड़े कन्ने आखना ऐं के इयां गै एक मन फेरने आले पापी दे बारै च बी सोर्ग च इनी गै खुशी ओग, जियां के निन्यानबे ऐसे तर्मियें दे बारै च नेई ओंदी, जिन्नें गी मन फेरने दी जरुरत नेई।”
गुआचें दे सिक्के दी मसाल
8“जां कोन ऐसी जनानी ओग, जेसदे कोल दस सिक्के ओन, ते उन्देचा एक गुआची जा, तां ओ दीया जलाईयै ते कर गी सोती-सातीयै, जेलै तकर मिली नेई जा, जान लेईयै तुपदी नेई रवै? 9ते जेलै मिली जन्दा ऐ, तां ओ अपनी सेलीयें ते पडोसनियें गी सदियै आखदी ऐ, मेरे कन्ने खुशी मनाओ, किके मेरा गुआचें सिक्का मिली गीया ऐ। 10आऊँ तुसेंगी आखना ऐं के इयां गै एक मन फेरने आले पापी दे बारै च परमेसर दे सोर्गदूतें दे सामने खुशी ओंदी ऐ।”
ढूआऊ पुत्र दी मसाल
11पी ओनें आखया, “कुसे मनुक्ख दे दो पुत्तर हे। 12उन्देचा निके ने पिता गी आखया, ए पिता जायदाद बिचा जेड़ा ऐसा मेरा ऐ ओ मिगी देई ओड़।” ओनें उनेंगी अपनी जायदाद बंडी देई ओड़ी। 13ते मते देन नेई बीते दे हे के निक्के पुत्तर ने सारा केछ किट्ठा करियै दूर देश च चली गीया, ते उत्थें गन्दे कम च अपने पैसा-तेला डुआई ओड़या। 14जेलै ओ सारा केछ खत्म करी चुकया, तां ओस देश च बड़ा काल पिया, ते ओ गरीब ओई गीया। 15ते ओ ओस देश दे वासियें चा एक दे कर जाई लगा। ओनें उसी अपने खेतरें च सूर चारने लेई पेजया। 16ते ओ चांदा हा के जेड़ा खाणा सूर खंदे न ओदे कन्ने गै अपना टेढ पराँ; किके उसी कोई केछ खाणे गी नेई दिन्दा हा। 17जेलै अपने आपे च आया ते पी बोलन लगया, “मेरे पिता दे कर किन्नें गै मजदूरें गी खाणे कोलां जादै रुट्टी-रुट्टी मिलदी ऐ, तां आऊँ इत्थैं पुखा मरा नां ऐं। 18मैं ऊन उठीयै अपने पिता दे कोल जागा ते उसी बोलगा के पिता जी, मैं तां सोर्ग दे खलाफ ते तेरी नजर च पाप कित्ता ऐ। 19ऊन आऊँ एस काबल नेई रिया के तेरा पुत्तर आख्या जां, मिगी अपने एक मजदूर आला लेखा रखी लै।”
ढूआऊ पुत्र दा बापस औना
20पी ओ उठीयै, अपने पिता दे कोल गीया; ओ अजें दूर गै हा के ओसदे पिता ने उसी दिखियै तरस खादा, ते दौड़ीयै ओदे गल्लें लगाया, ते बड़ा गै चूमया। 21पुत्तर ने उसी आखया, “प्यो जी, मैं तां सोर्ग दे खलाफ ते थुआड़ी नजर च पाप कित्ता ऐ; ते ऊन एस काबल नेई रिया के तेरा पुत्तर आख्या जां।” 22लेकन पिता ने अपने दासें गी आखया, “फोरन, छैल थमां छैल कपड़े उसी पुआओ, ते ओसदे अथ्थ च गूंठी, ते पैरें च नुकां पुआयो, 23ते बड्डी धाम तयार करो, तां जे अस खाचै, ते खुशी मनाचै। 24किके मेरा ए पुत्तर मरी गेदा हा, पी जिन्दा ओई गीया ऐ; गुआची गेदा हा, ऊन मिली गीया ऐ।” ते ओ खुशी मनान लगे।
बड्डे पुत्र दी शकैत
25“लेकन ओसदा जेठा पुत्तर खेतर च हा। जेलै ओ खेतर चा औंदे कर दे कोल पूजया, ते ओनें गाने-बजाने ते नचने दी बाज सुनी। 26ते ओनें एक दास गी बुलाईयै पूछया, ‘ए के उआ करदा ऐ?’ 27ओनें उसी आखया, तेरा प्रा आया ऐ, ते तेरे पिता ने बड़ी धाम त्यार कित्ती ऐ, किके उसी पला चंगा दिखया ऐ।” 28ए सुनीयै ओ गुस्सै च परी गीया ते कर दे अन्दर जाना नेई चाया, लेकन ओसदा पिता बार आईयै उसी मनान लगया। 29ओनें पिता गी जबाब दिता, “देख्ख, आऊँ इन्नें बरें दा तेरी सेवा करा दा हा ते कदें बी तेरा उक्म नेई टालया, पी बी तो मिगी कदें बी एक बकरी दा बच्चा बी नेई दिता के आऊँ अपने दोस्तें कन्ने खुशी मनांदा। 30लेकन जेलै तेरा ए पुत्तर, जेनें तेरी जायदाद गन्दे कम्म करने आले जनांनीयें पिछें डुआई दिती ऐ, ते आया, तां तो ओसदे लेई धाम त्यार कित्ती। 31ओनें उसी आखया, पुत्तर, तू मेशा मेरे कन्ने ऐ; ते जे केछ मेरा ऐ ओ सारा तेरा गै ऐ। 32लेकन ऊन तू खुशी मना ते मगन ओना चाईदा ऐ, किके ए तेरा प्रा मरी गेदा हा, पी जिन्दा ओई गीया ऐ; गुआची गेदा दा हा, ऊन मिली गीया ऐ।”
Trenutno izabrano:
लूका 15: DOG
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
This work is licensed under Creative Commons Attribution-ShareAlike 4.0 License.
