TSABURI 3
3
Lisaala liu Mumavwevwe Khwenya Khukhonywa
1Mwami Nyasaye, ndi na vatsiku vanyishi,
ni vanyishi vangwananga!
2Vanyishi valomolomanga makhuva khwinzi nivavoola,
“Nyasaye wayambakhana khumukhonya.”
3Navutswa yivi Mwami Nyasaye, uli khuli ingavo yanje yukhuninda,
nivi uli khuli vukhumi vwanje nundinyinya ikholo.
4Ndilanga tsikhwili khu Mwami Nyasaye akhonye,
manjipa khurula mu shikulu shieshie shitakatifu.
5Ngonanga hasi tsindolo tsingumila;
mbukhanga nuvwakhashia,
shichila yivi Mwami Nyasaye unindanga.
6Shinyala khuria vatsiku mu tsiheelefu
vambotokhananga mu tsimbeka tsiosi tawe.
7Hamba, Mwami Nyasaye!
Nyasaye wanje, umali khuhonyinya!
Nivi wu salilitsanga vatsiku vaanje voosi,
khali utivitsa tsingulu tsia vandu vatamanu.
8Lihonyinya lirulanga khu yivi Mwami Nyasaye;
kasitsa vandu vovo.
© The Bible Society of Kenya, 2013