मत्ती ओलखात
ओलखात
मत्तीन लिखेल हाजाली खुबेर तो पुस्तेक ज्यो हे जो चार पुस्तेक माय रेन एक हे जो यीशु मसीन जीवणान बारामाय देखाड़ेह। पुस्तेकाम रेन हाजाली खुबेर केवायेल हे, जान मतलब हे यीशुह हेरगाम जाणेन पासाण मत्ती, मरकुस, लुका, एने योहान ज्यु आख्यु पुस्तेक्यु लेखायेल हेत्यु मत्तीन हाजाली खुबेर ज्यो पुस्तेक केदीह लेखायेल ज्यान मालमात जाणकार माणहाह नाह मालुम सोती तीबी आपु इही केय सेकतेह काय यीशुन जेल्मान 60 सालान पासाण ज्यो पुस्तेक लेखानो एय इहकेरीन तो लेखायेल ज्यान मालमात आपुह मालुम नाह सोती तीबी दिहरा माणहान मान्नो हे ज्यो पुस्तेक पलिस्तीन निहते यरूशलेम हेयराम लेखानो एय।
ज्यी पुस्तेकीह लेखणार मत्ती हे जो यीशुन चेलो बोणनेन पेल फालो उकालनार इतो एने तो लेवी नावा माय ओलखाय जातालो मत्ती बारा प्रेरिता माय रेन एक इतो एने तो यहुदि वाचणारान केरता ज्यी पुस्तेक लिखेल हे तानकेरता आपु देखतेह काय ज्या पुस्तेकाम 60 रेन वोदार वातु जुनाला नेमान हेते जान बाराम जाणाव ईयेल हे तो सोड़ोवणार मसी यीशुस हे ज्यो तो देखाड़ने हुदेह मत्ती बोगवानान राज ने बाराम जुलूम काय लिखेल हे, यहुदिन आसा एती काय मसी राज कारणान राज ने राजा बोणी मत्ती ज्या विचाराह चेतावणी आपीन बोगवानान आत्मिक राज देखाड़ेह।
मत्ती लिखेल हाजाली खुबेर ज्यो एक हाजालो पुस्तेक हे ज्यास माय रेन नोवाला नेमान सुरवात ईथे ज्यो पुस्तेक जुनाला नेमान उगे जाहार ताहार आपणो द्यान ली जाथे ज्यो पुस्तेक नोवालो एने जुनालो दुयाह जोड़ दिथे जाणकार ओहलो देखाड़तेह काय ज्या पुस्तेकाम मुसो लिखेल पंचग्रथ जुनाला नेमान पेल्ला पाच पुस्तेक ज्यान रूप देखाड़ेह यीशु जो बोयड़ा पोर हिकवोण आपेल 5:7 जान तुलना जो नेमान पुस्तेक बोगवान मुसाह आपेल ता हेऱ्या केर सेकतेह। व्यवस्था 19:3–23:25
रूपरेखा
1. यीशुन जेल्मो एने तान सेवान सुरवात मत्ती तान हाजाली खोबरीन सुरवात किरेह। 1–4
2. तान पासाण मत्ती यीशुन सेवान बाराम एने ज्यु आख्यु वातुन तो हिकाड़ेल तान बाराम देखाड़ेह। 5–25
3. मत्तीन लिखेल हाजाली खुबेर जो आखरी बाग हे तो यीशुन सेवकायीह उचाला बोयड़ान टेकड़ो मतलब तान मोरने एने जीव उठणेन बाराम लिखेल हे। 26–28
Trenutno izabrano:
मत्ती ओलखात: Nii2025
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025