जकर्याह 9
9
इस्राएल का दुश्मनां तै बचाव
1हद्राक देश कै बारै म्ह यहोवा का कह्या होया भारी वचन जो दमिश्क के शहर पै भी पड़ैगा। क्यूँके यहोवा की नजर माणस जात की, अर इस्राएल के सारे गोत्रां की और लाग्गी सै; 2हमात के शहर की और जो दमिश्क के शहर कै धोरै सै, अर सोर अर सीदोन की और, ये तो घणेए बुद्धिमान सैं। 3सोर नै अपणे खात्तर एक गढ़ बणाया, अर धूळ के किणक्यां की तरियां चाँदी, अर सड़कां की कीच की तरियां बढ़िया सोन्ना बटोर राख्या सै। 4देक्खो, परमेसवर उसनै औरां के हक म्ह कर देवैगा, अर उसके घमण्ड नै तोड़कै समुन्दर म्ह गेर देवैगा; अर वो नगर आग का निवाळा हो जावैगा।
5यो देखकै अश्कलोन का शहर डरैगा; गाज़ा के शहर नै दुःख होवैगा, अर एक्रोन का शहर भी डरैगा, क्यूँके उसकी उम्मीद टूट्टैगी; अर गाज़ा म्ह फेर राजा ना रहवैगा अर अश्कलोन फेर बसी ना रहवैगी। 6अश्दोद के शहर म्ह अनजाणे माणस बसैंगे; इस्से तरियां मै पलिश्तियाँ के गर्व नै तोड़ूँगा#9:6 पलिश्तियाँ के गर्व नै तोड़ूँगा गर्व अपणे देश की बर्बादी तै बच जावैगा, अपणे शहरां पै कब्जा करैगा, आजादी कम होवैगी। यो उनकी राष्ट्रीयता की हानि तै न्ही बचैगा; क्यूँके वे खुद ओड़ै के माणसां न्ही होवैंगे, जिननै अपणे लाम्बे वंश अर इस्राएल पै अपणी जीत पै गर्व था।। 7मै उसके मुँह म्ह तै शिकार का लहू अर घिनोणी चीज लिकाड़ देऊँगा, फेर उन म्ह तै जो बच्या रहवैगा, वो म्हारे परमेसवर का जन होवैगा, अर यहूदा म्ह अधिपति जिसा होगा; अर एक्रोन के माणस यबूसियाँ की तरियां बणैगें। 8परमेसवर नै कह्या, “फेर मै उस सेना के कारण जो धोरै तै होकै जावैगी अर फेर बोहड़ आवैगी, अपणे भवन के लोवै-धोरै छावणी करे रहूँगा, अर कोए सताण आळा फेर उनके धोरै तै होकै ना जावैगा, क्यूँके मै ये बात इब भी देक्खूँ सूं।”
सिय्योन का आण आळा राजा
9हे सिय्योन के माणसों घणेए मगन हो। हे यरुशलेम के माणसों जयजयकार करो! क्यूँके तेरा राजा तेरे धोरै आवैगा; वो धर्मी अर उद्धार पाया होया सै#9:9 वो धर्मी अर उद्धार पाया होया सै यो उसके व्यक्तित्व की महिमा एवं सिद्धता सै के सिध्द जन उसनै देक्खै अर उसकी स्तुति करै।, वो दीन सै, अर गधे पै बलके गधी के बच्चे पै चढ़या होया आवैगा।#9:9 मत्ती 21:5; यूह. 12:14-15 10मै एप्रैम के रथ अर यरुशलेम के घोड़े नाश करुँगा; अर युद्ध के धनुष तोड़ गेरे जावैंगे, अर वो गैर जातियाँ तै शान्ति की बात कहवैगा; वो समुन्दर तै समुन्दर ताहीं अर महानद तै धरती के दूर-दूर के देशां ताहीं प्रभुता करैगा।#9:10 इफि. 2:17; भजन. 72:8
प्रभु अपणे लोग्गां नै बचावैगा
11तू भी सुण, क्यूँके मेरा करार के लहू कै कारण, मन्नै तेरे कैदियाँ ताहीं बिना पाणी के खड्डे म्ह तै उभार लिया सै।#9:11 मत्ती 26:28; निर्ग. 24:8; 1 कुरि. 11:25 12हे उम्मीद धरे होए कैदियों! गढ़ की और मुड़ो; मै आज ए बताऊँ सूं के मै थारे ताहीं बदले म्ह दुगणा सुख देऊँगा।
13क्यूँके मन्नै धनुष की तरियां यहूदा ताहीं चढ़ाकै उसपै तीर की तरियां एप्रैम ताहीं लगाया सै। मै सिय्योन के बासिन्दया नै यूनान के बासिन्दया कै खिलाफ उभारूँगा, अर उननै वीर की तलवार जिसा कर देऊँगा। 14फेर यहोवा उनके माणसां के उप्पर दिखाई देवैगा, अर उसका तीर बिजळी की तरियां छूटैगा; अर परमेसवर यहोवा नरसिंगा फूँक कै दक्षिण देश की जिसी आँधी म्ह होकै चाल्लैगा। 15सेनाओं का यहोवा ढाल तै उननै बचावैगा, अर वे अपणे बैरियाँ का नाश करैंगे, अर उनके गोफन के पत्थरां पै पैर धरैंगे; अर वे पीकै इसा शोर-सराबा करैंगे जिसा माणसां दाखमधु पीकै करै सैं; अर वे कटोरे की तरियां या वेदी के कुण्यां की तरियां भरे जावैंगे।
16उस बखत उनका परमेसवर यहोवा उननै अपणी प्रजारूपी भेड़-बकरी जाणकै उनका उद्धार करैगा; अर वे मुकुटमणि ठहरकै, उसकी धरती तै घणे ऊँच्चे पै चमकदे रहवैंगे#9:16 वे मुकुटमणि ठहरकै, उसकी धरती तै घणे ऊँच्चे पै चमकदे रहवैंगे परमेसवर के बैरी पैरां तळै रौंदे जावैंगे क्यूँके एक सर्वनिष्ठ बात अपणी पूर्ति तै चूक गी, वे कीमती मणि ठहरैगें, राजा का अभिषिक्त राजदण्ड होवैंगे। 17उसका कितना घणाए कुशल, अर उसकी कितनी ए घणी शोभा होवैगी! उसके जवान माणस अन्न खाकै, अर कुमारियाँ नया दाखमधु पीकै हट्टे-कट्टे हो जावैंगी।
Trenutno izabrano:
जकर्याह 9: BGC
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.