होशे 14
14
अन्त म्ह इस्राएल का फेर बसाया जाणा
1हे इस्राएल, अपणे परमेसवर यहोवा कै धोरै बोहड़ आ, क्यूँके तन्नै अपणे अधर्म कै कारण ठोक्कर खाई सै। 2बात सीख कै अर यहोवा की और बोहड़कै, उसतै प्रार्थना करकै कह, “सारे अधर्म दूर कर; दया करकै म्हारे ताहीं ग्रहण कर; फेर हम धन्यवाद रूपी बलि चढ़ावांगें। 3अश्शूर म्हारा उद्धार ना करैगा, हम घोड़यां पै सवार ना होवांगे; अर ना हम फेर अपणी बणाई होई चिज्जां तै कहवागें, ‘थम म्हारे ईश्वर सो;’ क्यूँके अनाथ पै तू ए दया करै सै।”
4मै उनकी भटक जाणे की आदत नै दूर करुँगा#14:4 मै उनकी भटक जाणे की आदत नै दूर करुँगा मै सेंत-मेंत उनतै प्यार करुँगा। उसके जवाब म्ह, परमेसवर उनकी आत्मा के रोग स्वास्थ बणाण का वादा करै सै जड़ै तै हर तरियां की बुराई पैदा होवै सै उनकी चंचलता अर एक जगहां ना टिकणा।; मै सेंत-मेंत उनतै प्यार करुँगा, क्यूँके मेरा छो उनपै तै उतर ग्या सै। 5मै इस्राएल कै खात्तर ओस की तरियां होऊँगा; वो सोसन की तरियां फुल्लै-फळैगा, अर लबानोन की तरियां जड़ फैलावैगा। 6उसकी जड़ तै पौधे फूटकै लिकड़ैगें; उसकी शोभा जैतून की जिसी, अर उसकी खुशबु लबानोन की जिसी होवैगी। 7जो उसकी छाया म्ह बैठेंगे#14:7 उसकी छाया म्ह बैठेंगे यानिके दोबारा स्थापित इस्राएल की छाया म्ह जिसकी तुलना एक विशाल दरखत से की गई सै जो पूरी तरियां सिध्द दरखत सै। , वे अन्न की तरियां बढ़ैंगे, वे दाखलता की तरियां फूल्लै-फळैंगे; अर उसकी चर्चा लबानोन के दाखमधु की जिसी होवैगी।
8एप्रैम कहवैगा, “मूर्तियाँ तै इब मेरा और के काम?” मै उसकी सुणकै उसपै नजर बणाए राखूँगा। मै हरे सनोवर जिसा सूं; मेरे तै ए तू फळ पाया करैगा।
9जो बुद्धिमान हो, वोए इन बात्तां नै समझैगा; जो माहिर हो, वोए इननै बूझ सकैगा; क्यूँके यहोवा के रास्ते सीध्धे सैं, अर धर्मी उन म्ह चाल्दे रहवैंगे, पर अपराधी उन म्ह ठोक्कर खाकै गिरैंगे।
Trenutno izabrano:
होशे 14: BGC
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.