हाग्गै 1
1
परमेसवर का भवन बणाण का हुकम
1दारा राजा के फारस पै राज्य के दुसरे साल के छठवें महिन्ने के पैहले दिन, यहोवा का यो वचन, हाग्गै भविष्यवक्ता के द्वारा, शालतीएल के बेट्टे जरुब्बाबेल कै धोरै, जो यहूदा का अधिपति#1:1 अधिपति का मतलब औड़ै यो सै के इसनै फारस राजा के जरिए अधिकारी ठहराया गया सै ताके राज्य पै राज कर सके। या अधिपति इलाके के राजयां अर प्रधानां तै अलग थे अर वा सिधा राजा नै ही बखान करण के जिम्मेदार थे। था, अर यहोसादाक के बेट्टे यहोशू महायाजक के धोरै पोहच्या 2“सेनाओं का यहोवा हाग्गै तै न्यू कहवै सै, ये माणस कहवैं सैं के यहोवा का भवन बणाण का सही बखत न्ही आया सै।” 3फेर यहोवा का यो वचन हाग्गै भविष्यवक्ता कै द्वारा पोहच्या, 4“के थारे खात्तर अपणी छात आळे घरां म्ह रहण का बखत सै, जिब के यो भवन#1:4 परमेसवर का पवित्र भवन उजाड़ पड़या सै? 5इस करकै इब सेनाओं का यहोवा न्यू कहवै सै, अपणी-अपणी चाल-चलण पै ध्यान करो। 6थमनै घणा बोया लेकिन थोड़ा काटया; थम खाओ सो, पर पेट न्ही भरदा; थम पीओ सो, पर प्यास न्ही बुझदी; थम लत्ते पैहरो सो, पर गरम न्ही होन्दे; अर जो मजदूरी कमावै सै, वो अपणी मजदूरी की कमाई नै छेद आळी थैल्ली म्ह धरै सै।”
7“सेनाओं का यहोवा थारे तै न्यू कहवै सै, अपणे-अपणे चाल चलण पै सोच्चो। 8पहाड़ पै चढ़ जाओ अर लाकड़ी ले आओ अर इस भवन नै बणाओ; अर मै उस ताहीं देखकै खुश होऊँगा, अर मेरी महिमा होवैगी, यहोवा का योए वचन सै। 9थमनै घणी फसल की उम्मीद राक्खी, पर देक्खो थोड़ी-ए सै; अर जिब थम उसनै घर ले आवै, फेर मन्नै उस ताहीं उड़ा दिया। सेनाओं के यहोवा की या वाणी सै, इसा क्यूँ होया? के इस करकै न्ही, के मेरा भवन उजाड़ पड़या सै अर थारे म्ह तै हर एक अपणे-अपणे घर नै बणाण खात्तर दौड़या चल्या जावै सै? 10इस कारण अकास तै ओस गिरणा अर धरती तै अन्न उपजणा दोन्नु बन्द सैं। 11अर मेरा हुकम सै धरती अर पहाड़ां पै, अर अन्न अर नये दाखमधु पै अर ताजे तेल पै, अर जो कुछ धरती तै उपजदा सै उसपै, अर माणसां अर घरेलू पशुआं पै, अर उनके मेहनत की सारी कमाई पै भी काळ पड्या सै।”
माणसां की आज्ञाकारिता
12फेर शालतीएल के बेट्टे जरुब्बाबेल अर यहोसादाक के बेट्टे यहोशू महायाजक नै सारे बचे होए माणसां समेत अपणे परमेसवर यहोवा की बात मान्नी; अर जो वचन उनके परमेसवर यहोवा नै गुलाम्मी तै बोहड़े होए माणसां तै कहण कै खात्तर हाग्गै भविष्यवक्ता ताहीं भेज दिया था, उस ताहीं उननै मान लिया; अर माणसां नै यहोवा का भय मान्या। 13फेर यहोवा के दूत हाग्गै नै यहोवा तै हुकम पाकै उन माणसां तै न्यू कह्या, “यहोवा की या वाणी सै, मै थारे गैल सूं।”#1:13 मत्ती 28:20 14अर यहोवा नै शालतीएल के बेट्टे जरुब्बाबेल ताहीं जो यहूदा का अधिपति था, अर यहोसादाक के बेट्टे यहोशू महायाजक ताहीं, अर सारे बचे होए माणसां के मन ताहीं उभार कै उत्साह तै भर दिया के वे आकै अपणे परमेसवर, सेनाओं के यहोवा के भवन नै बणाण म्ह लागगे। 15यो दारा राजा के राज्य के दुसरे साल के छठवें महिन्ने के चौबीसवें दिन होया जिब राजा दारा राज करै था।
Trenutno izabrano:
हाग्गै 1: BGC
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.