Саалтыр 74
74
1Хуор салайааччытыгар. «Өлөрүмэ» матыыбынан. Асаф псалома. Ырыа.
2Айхаллыыбыт Эйигин, Айыы Таҥара,
айхаллыыбыт Эйигин; Эн аатыҥ биһиэхэ чугас.
Дьон Эн оҥорор дьикти дьайыыларгын иһитиннэрэр.
3«Мин Бэйэм болдьообут туһааннаах кэммэр
кырдьыгы тутуһан дьүүллүөҕүм.
4Сир уонна сир олохтоохторо бары тулхадыйар кэмнэригэр
Мин бигэтик тутабын сир төрдүн. Села
5Киһиргэстэргэ этэбин: „Киһиргэнимэҥ“,
нэгэйдэргэ этэбин: „Үрдүктүк сананымаҥ,
6аһара үрдүктүк сананымаҥ,
хантаччы туттан саҥарымаҥ“».
7Киһини илинтэн да, арҕааттан да,
соҕурууттан#74:7 Эбэтэр: кураайы дуолтан. да үрдэтэр буолбатахтар,
8биир эрэ судьуйа баар – Айыы Таҥара:
Кини кими эрэ намтатар, кими эрэ үрдэтэр.
9 Айыы Тойон иһит тутан турар,
онно арыгы булкааһа күүгэннирэ оргуйар;
Кини онтон кутаттаан биэрдэҕинэ,
сир үрдүн хара дьайдаахтара бука бары иһиэхтэрэ,
доруоһатын кытта ыган туран иһэргэ күһэллиэхтэрэ.
10Оттон мин үйэм тухары үөрүөм-көтүөм,
Иаков Таҥаратыгар айхал ыллыам.
11Кини хара дьайдаахтар муостарын барытын булгурутуо,
оччоҕо кырдьыксыт күүһүрүө-уоҕуруо.
Trenutno izabrano:
Саалтыр 74: СБК
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Институт перевода Библии, 2008-2022