Salmos 129
129
Itꞌéni Díos tja̱ko̱xi̱n ti nkehe jína
1Nchónhña nkehe kjuasótexíni ti na̱xa̱ kꞌuéntasoáni,
mé xi̱kaha chróchronka chjasin Israel.
2Mé nchónhña kꞌuatsínkani ti kꞌuéntasoáni,
kjánchó kjuachahya sin kꞌóñá sin ti jeheni.
3Kjuate sin ti jeheni la tsíchrítꞌo̱ ntachꞌuéni,
la ijié tsíxitje̱he̱ ti tsíchrítꞌo̱.
4Kjánchó Itꞌéni Díos mé jína la kjuínchekaá chꞌan ti jeheni.
Kjua̱tse̱n chꞌan ti kjuachaxin kꞌuéchónta ti sin nduáhya tjenka̱yáxin.
5Chrókósuéhe̱ ti sin nínkakohen ti sin Israel
kixin ikjan sin kjuachahya sin.
6Chrókóhen sin éxi ti kayoa tsíkꞌañá chritaón nchia
kixin na̱xa̱ tsíkꞌaxrjenkíhya ti kayoa la ó tsíxámá.
7Ti sin a la éxi ti kaxi ntsíntsí tsjachahya chojni tsotsé
kixin tso̱nteto tsꞌóna manojo la ninkehó sínkíhya.
8A̱ndá nijnko chojni chrókꞌuatsínka
la chróndáche ti sin a:
“Itꞌéni Díos tsíkjincheñao ti jaha.”
A̱ndá jeheni mé ncheñaoxini ti jaha
kjuachaxin ihni̱é Itꞌéni Díos.
Trenutno izabrano:
Salmos 129: poeNTplus
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2016, Wycliffe Bible Translators, Inc. All rights reserved.