Salmos 11
11
Tsochrakonhña ti nkexro jína
Salmo kuènté David
1Jeheni xritjeyáni kixin Itꞌéni Díos tsjinki̱tsa ti jeheni.
Nkexrín chróndáche sin ti jeheni:
“Sáchrókjuia nte̱je̱ éxi ijnko koxroxe.
2Kixin ti chojni tjenka̱yáxin nkehe jínahña
mé tjejómá sin tjejókotóxi̱n sin ti flecha
kixin tsochjéhe sin ti chojni jína.
3A̱ndá ti chrókꞌuitjáña ti nkehe jína kuènté Itꞌéni Díos,
la, ¿xá nkehe chrókjuíchꞌe ti chojni jína?”
4Ìnchéni mé itjen chꞌan ti ni̱nkué chꞌan tjóá itjen nkaya nka̱jní;
la tjetsjehe chꞌan nkexrín siín ti chojni chjasintajni.
5Itꞌéni Díos mé tjetsjehe chꞌan ti chojni jína la ko ti chojni jínahña,
kjánchó ti chojni tóxríhi̱n ichꞌe ti nkehe jínahña la nínkakohen chꞌan.
6Itꞌéni Díos mé sinchekꞌániá xrinta síchrꞌákjen la ko azufre
kixin tsochexín kaín ti chojni tjenka̱yáxin ti nkehe jínahña,
mé xi̱kaha sinchekjasóte Díos ti sin nduáhya ixri.
7Itꞌéni Díos la jína chꞌan la tóxríhi̱n chꞌan ti chojni jína;
méxra̱ ti sin jína la ikon sin tsꞌikonxín sin ti jehe chꞌan.
Trenutno izabrano:
Salmos 11: poeNTplus
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2016, Wycliffe Bible Translators, Inc. All rights reserved.