Popularni biblijski stihovi iz प्रेरितों रा कांम 2

Podeli

पतरस उणौनै कयौ, “मन फिराओ, अर थौरे में ऊं हरैक अपणै अपणै पापों री माफी रै खातर यीसु मसीह रै नाम ऊं बतिस्मो लौ, तो थै पवितर आतमा रौ दांन पावौला।

और वे प्रेरितों ऊं सिकसा लेणे में, अर संगति राखनै में, अर एक साथै रोटी खाणै में, अर पराथना करनै में मगन रैवता हा।

वे सगळा पवितर आतमा ऊं भर गिया, अर जिण परकार आतमा नै उणौनै बोलनै री सामरथ दी, अर वे अलग अलग बोली बोलण लागा।

तद अणचेत आभै ऊं जोर री आंधी जैड़ी भयंकर आवाज होई, अर उण ऊं सगळौ घर गूंज गियौ, जठै वे बैठा हा। अर उणौनै अग्‍नि रै लपटों ज्यौ निजर आई। अर उणमे ऊं हरैक माथै आ ठैरी। वे सगळा पवितर आतमा ऊं भर गिया, अर जिण परकार आतमा नै उणौनै बोलनै री सामरथ दी, अर वे अलग अलग बोली बोलण लागा।

वे हमेसां एक मन होयनै मिंदर में भेळा होता हा, अर घर-घर जायनै आंणंद अर मन री सीधाई ऊं रोटी जीमता हा, अर परमेसर री स्तुति करता हा, अर सगळा लोग उणौ ऊं खुस हा। अर जिकौ नया उद्धार पाता हा, उणौनै परभु रोज उणमे मिळा देता हा।

‘परमेसर कैवै है, आखरी दिनां में ऐड़ौ होवैला म्हैं म्हारी आतमा सगळै मिनखौ ऊपर उतारूं ला, अर थौरा बेटा अर थौरी बेटियां भविसयवांणी करैला, अर थौरा जवान दरसण देखेला, अर थौरा बुढ़िया सपना देखेला।

अर सगळा विसवास करणवाळा भेळा रैता हा, अर उणौरी सगळी चीजों भागीदारी में ही। वे अपणी-अपणी जायदाद अर सामान बेचनै ज्यूं जिणरी जरुत होती ही बांट दिया करता हा।

अर जिकौ कोई परभु रौ नाम ले ला, वो उद्धार पावैला।’

परभु रै महान अर खास दिन रै आवण ऊं पैला सूरज अंधारै अर चांद खून जैड़ौ हो जावैला।