Popularni biblijski stihovi iz Roman 3

Podeli

upla sut saura yan bara Gâd mawan wina sin laihura takan. Kuna Gâd ai latwanka tara ba mita, ban mana âpu kira baha nani ba kasakkira kulkan sa, kan Kraist Jisas bâk upla sut swaki sakan sa.

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa

Gâd mita Kraist ba saurka mana sakripais kum baku mangkan witin pruanka bâk, bara naha na ai karnika brisa kasak lukan lâka ba mita. Naha na baku takan, kan marikaia want sa, nahki Gâd kasakkira sa bara ai kupia alki takaski kan, patitara saura yan saurka ba ban swin tiwan ba mita. Baha ba tânka nanara upla nani ra marikaia, Gâd lika kasakkira pali sa, bara kau ban kasakkira kabia, ya ya Jisas ra kasak luki ba kasakkira kulki ba mita.

kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.

Ulbanka nani ba wisa: “¡Upla yamni dauki ba âpu sa! ¡Kumi sin âpu sa! Tânka briaia uplika ba kumi sin âpu sa, bara Gâd pliki ba uplika kumi sin âpu sa. Upla sut ba yabal saura ra wan sa, bara sut sin saura lâka ra baman wan. ¡Bamna yamni dauki ba âpu sa! ¡Kumi sin âpu sa!

Baku bamna, yawan kaikisa upla kumi kasak lukan ba mita Gâd mita kasakkira kulkisa, lâ dîa win ba kat daukan tânka kumi sin âpu kira.

¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’