Popularni biblijski stihovi iz نامه رومیانِ کلیسایِ وَسین 12

Podeli

و دِ این دُنیایِ مِثان نَبین، بلکه شیمی فکر نُو هَبوسَّنِ هَمره تغییر هَکُنید. اون موقِه تانید خُدایِ اِرادِه رِه بِفهمین، خُدایِ دِل بابِ و کامِلِ اِرادِه رِه.

پَس اِی اَداشان، خُدایِ رحمت هایِ خاطری، شیمی جی خواهِش کانَم که شیمی تَنِ ایتا زندهِ و مُقَدَّس و خُدایِ دِل بابِ قُربانی یه مِثان پیشکَش هَکُنید که شیمی روحانی عبادَت همینِه.

اُمید دِلهِ خوشحال هَبین، سختی هایِ دِلهِ صَبور هَبین و هَمَش دُعا هَکنید.

بَدی یه تَسلیم نَباش، بلکه بَدی رِه خوبی یه هَمرَه شِکَست هَدِه.

اَداش مِثان همدیگر محبت هَکُنید، اِحتِرام بُگذاشتَنِ دِلهِ، همدیگَرِ جی پِیش دَکِین.

محبت بایِسّی بی‌ریا هَبو. بَدی یه جی دوری هَکونید و اونچه که خُجیرِ رِه، مُحکَم بَچِسبین.

اَگِه بونِه، تا اوجِه که شِمِرِه مربوط بونه، هَمِه یه همره صُلح و صفایِ دِلِه زندگی هَکُنید.

اِی عزیزان، هیچ وخت خودِتان، اِنتقام نَگیرین، بَلکه اونِه خُدایِ غضبِ دَس بِسپارین. چون توراتِ دِلِه بَنویشته هَبا که «خُداوند گونه: ”مَنم که انتقام گیرنَم؛ مَنم که سِزا دَنَم.»

هیچ وَخت شِیمی غیرت خُدایِ وَسین کَم نَبوُ؛ روحِ دِلهِ تَشِ مِثان اَلو هَگیرین و خُداوَندِ خِدمَت هَکُنید.

چون اون فیضِ طریقِ جی که مَرِه هَدِه هَبا، شُما هر کدامِ گونَم که اونچه یه جی که هیسین شِمِرِه بیشتَر نِدانین، بلکه اون ایمان قَدَر که خُدا هَر کُدام از شِمِره هَدَه، دُرُس قضاوت هَکُنید.

هیچ کَسِ بَدی یه عوض، بَدی نَکُنین. بلکه کاری رِه هَکِنید که بقیِه یه نظر حُرمت داره.

همدیَگرِ هَمره مُدارا هَکُنید. مغرور نَبین، بَلکه اوشانِ هَمره که سادِه و ضَعیفِن، رفت و آمد هَکُنید. هیچ وخت شِمِرِه حکیم نِدانین.

برعکس، «اَگِه تی دُشمن وَشنایه، اونه غذا هَدِه، وَ اَگِه تَشنایِه، اونه اُو هَدِه. چون اَگِه اینجور هَکُنی، اونه شرمنده کانی.»

اوشانیکه شِمِرِه آزار رِساندِنَنِ وَسین، بَرکَت بِخواین؛ بَرکَت بِخواین و نِفرین نَکُنین! اوشانه هَمرَه که خوشحالِن، خُشحالی هَکُنید، وَ اوشانه هَمرَه که بِرمِه کانَن، بِرمِه هَکُنید.

مُقدَّسین اِحتیاجاتِ برطَرف هَکُردَن دِلهِ شَریک هَبین و مِهمان‌نَواز هَبین.

چون هَمونجور که اَما ایتا تَنِ دِلهِ خیلی اعضا داریم و تمام اعضا یه وظیفِه نِدارَن پس اَما که خیلییم، مَسیح دِلهِ یِه تَن هیسیم و هَر کُدام تَک به تَک، هَمدیگَرِ اعضاییم.