Popularni biblijski stihovi iz اِنجیلِ مَتّی 7

Podeli

«بِخواین که شِمِره هَدَه بونه. واموجین، که پیدا کانید. دَر بَزِنین، که دَر شِیمی رو واز بونه.

چون هر کی بِخواد، به دست هارنه و هر کی واموجه، پیداکانه و هر کی دَر بَزِنِه، دَر اونه رَه واز بونه.

«پَس هَر کی می گَبِ اِشنَوِنه و اونِه عَمل کانه، ایتا عاقِلِ مَردای رِه ماندِنِه که خودشه سِرِه رِه سَنگِ سَر بِساتِه.

دیگَران هَمرَه هَمونجور رَفتار هَکُنید که خَنید شیمی هَمرَه رَفتار هَکُنَن. اینِ، تمام تورات و پیغَمبَرانِ بَنویشتِه.

چون اون دَر تَنگِ و راهی که به زندگی خَتم بونه سَختِه و اوشانیکه اونِه پیدا کانن کَمِن.

«تَنگِ دَر جی دِلِه بیشین، چونکه دَری که پَهنِ و راهی که گُشادِ به مَرگ خَتم بونه و اوشانیکه این راهِ جی شونِن خیلییَن.

پَس اَگِه شُما که آنقَدَر بَدین، دانید که بایِسّی شیمی وَچِه شان رِه خُجیرِ چیز هَدین، پس چَنّی بیشتر شیمی آسِمانی پیَر خُجیرِ چیزانِ هَر کَسِ که اونه جی بِخواد دَنه.

«قِضاوَت نَکُنین تا شِمِره قِضاوَت نَکُنن. هَمونجورکه شُما دیگَران رِه قِضاوَت کانید، شِمِره هَم قِضاوَت کانَن. هر کیلِه یِه هَمرَه هَدین، همون کیلِه یِه هَمرَه عَوَض گیرِنید.

«وَلی هر کی می گَبِ بِشنوئِه و اونِه عمل نَکُنِه، ایتا بی عَقلِ مَردای رِه ماندِنِه که خودشه سِرِه رِه وازیکِ سَر بِساته.

چِرا کَمل ذَرِّه رِه تی اَداش چِشِ دِلِه دینی، وَلی چویی ره که تیِ چِشِ دِلِه داری رِه نِینی؟ یا چِطور تانی تیِ اَداشِ باگویی: ”اِجازه هَدِه کَمل ذَرِّه رِه تی چِشِ جی دِرگا بیارِم،“ اَسِه خودِت ایتا چو تی چِشِ دِلِه داری؟

«دُروئی پیغَمبَرانِ جی دوری هَکُنید که گوسِند لِواسِ دِلِه شِیمی ورجه هَنِن، وَلی خودِشانِه باطِنِ دِلِه دَرَندِه وِرکِن اوشان رِه اوشانه میوِه یه جی اِشناسِنید. مَگه بونه لَمبَسِ جی اَنگور و زِراعِ جی اَنجیل بَچیئَن؟

هَمینجور، سالِمِ دار خُجیرِ میوه به بار هارنه و آفَت بَزِه دار بَدِ میوه.

سالِمِ دار نَتَّنِه بَدِ میوه به بار بیارِه و آفت بَزِه دار نَتَّنِه خُجیرِ میوه بیارِه.

داری که خُجیرِ میوه نیارِه، بَبییِه بونه و تَشِ دِلِه توُواده بونه.