Popularni biblijski stihovi iz Fịrị Ḅara 1

Podeli

Kụ́ma Tọ́ntọ́ Tẹ́mẹ́ ma ọmịna ḅụ ḅomaẹrẹ nnị kụrọ pa ọmịna ḅụ suabẹm, sị ọmịnị ị́yẹ́ onyésẹapụ sọọbẹm Jerusalem ḅụ, Judiya gbọ́rụ́ na Sameriya na pịghị tuminikiri kunema anga mamgba.>>

Jizọs warị n ḅẹẹ, <<Ọmịna kirigha nimi Daḅọ ma ori kụ́rọ ḅụ tọ́ọ warị sáá.

Nnị ḅo kobiri sáá, ọ warị kụrọma mị bịpị ma kóróma ḅẹẹ, <<Ọ Jerusalem warịsoma, kụ́ma ọ fịnị a dugho ọ pịrị dienyẹ ma kúru, i Daa minini ọ pịrịnyẹ ma. Jọn mingi pa mingi saram, kụ́ma ḅọlọgha éné ḅụ ọ Tọ́ntọ́ Tẹ́mẹ́ mingi sárábẹm.>>

Dii a mmẹẹ́ si, ọ fịịfama sáá, ori ọḅụ pa nnị diem tọgha sa, na pịghị asọ kịrịkị́rị́ ḅụ, diearịnyẹ tẹ́mẹ́ mmẹẹ́ mmẹẹ́ mịẹgha ḅụ ḅẹ́ o dumam. Nnị ori arịm ọ pịghị nnị ná Tamuno amadakiri ma gbólómanyẹ dughom.

Ọ mịma dugho fama sáá, nnị warị ori akị iwóo sobie múm, nnị pa dighiarị sáá, anịị oḅuto warị ọ gbẹ́ẹ̄, n mịnị ori arịgha.

Nnị paá tọ́rụ́ pa so dighiarị sáá, ori iwóóarị sáá, anị gbẹ́rẹ́kiri mmẹẹ́ owiapụ pị́na bịtẹ suapụ ḅo nnị ngása sẹm. Warị ḅẹẹ, <<Galiliapụ ọ tegó pa sẹ so ma dighiarị? Mịị nnị ọ ḅárabie akị iwóo so mú Jizọs ma pịghị pịghịma ḅoobẹm, ọ mịnị ori árị ḅara ma ori iwóóarị sáá.>>