Popularni biblijski stihovi iz Roma 12

Podeli

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Bɛ ka jǝ́ bǝla lɛ shilɔ a ku jelʌn a dul jen. Bɛ jǝ́ ku jelʌn a dul shilɔ gǝm nǝn maatǝm jǝ nyan.

A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

Bɛ swɨkan jenɔ a yǝlam bɨlǝngǝn. Bɛ jǝ́ kɔ jʊ nɨ na a bwɨlaɨ, bɛ jǝ́ ta jʊ nɨ a bʊm bʊmɨ nǝn kwaan dangǝn.

Na na maa maa nyɨɨ, jǝ́ yɨ yɨm kwamɨgǝn jǝbɔ nǝbɔ gwam.

Jǝ́ nǝb nɨ mǝ swɨ lɛɨ, ka jǝ́ ywa lɛ bwɨlangkɛl nǝn bwɨlangkɛl. Bɛ jǝ́ bǝla Kwaama a ywa jem nǝn nabwɨl gǝnɔ. A mʊla mʊlaɨ gɔ, “Ywatǝm naanɔ na a mɨ, nǝmǝ mǝ yǝla lɛ n ywaɨ, n jʊ Tɛlalɔ a sʊwaɨ.”

Bɛ ka jǝ́ shigem lɛ bʊtɔ a maajɨ kwaan. Jǝ́ maa kwaan a nǝl jen. Jǝ́ maa Tɛlalɔ gǝm maajɨ.

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

Na nǝl a maa jem shili, ka jǝ́ jǝla lɛ jǝ́ maa gǝm shil tǝgǝn. Bɛ jǝ́ maa jʊ nɨ dǝngdǝngɨ a kǝga nǝbɨɨ gwam.

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

Langǝn bwangǝnɔ a sʊwa gɔ, “Na fwalɨ kii mʊnɔ nyʊwa jʊwan nɛɨ, bɛ ń nǝ gǝn jǝjalǝnɔ. Na nyʊwa diil mwɛn nɛɨ, bɛ ń nǝ gǝn mwɛ nɔɔtǝm. Maatǝmɔ nyɨɨ, mʊ mʊr gǝm kʌbʌl kǝla a dul gǝn.”

Bɛ jǝ́ dǝg nǝb nɨ nǝ jen gaalan nɛɨ gǝm bwili. Jǝ́ dǝg jim bwili, ka jǝ́ lag ji lɛ. Jǝ́ maa fulotǝm nǝl jǝbɔ nǝb nɨ maa fulotǝm nǝl lɛɨ. Jǝ́ ji wi jǝbɔ nǝb nɨ ji wi lɛɨ.

Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

Kanga jinʌnɔ a lada a mʊgɔ bʊtɔgɔ wini, jinʌn nɨ gwam nǝngǝn nǝn maajɨ jinɔ nǝn dʌmʌni, a dul kɛl nɨ, bǝn nɨ sul bǝ lada nyɨɨ, bǝ yǝlam bʊtɔgɔ win a mʊgɔ Kiristii, gwam bǝnɔ bǝ mʊrka bǝ yǝlam win.