Popularni biblijski stihovi iz Romu 3

Podeli

Iyayapan undag kukaeba aya, meoya God gumbe mu oma den ane eyawa aupe. Megara God ano oraiwa gumbe, Keriso Iesu sira gwiruwat nuntan gumbe, oraiwa God namive ingui nunne.

Me God oraiwa me Iesu Keriso gumbe anotumat eme igiyawa undag mu gumbo muniviwa. Ube onan iyayapan yapowo.

God me Keriso Iesu taibe toyau munne. Me puyo maeba God danapiriwa yankwetan oya ganigani gumbe sira anotumat gumbe. Me toewamuniviwa God oraiwa meuma. Kuiyawa God me ano yaimoyai wakeigimtanwa gumbe, iyayapan gumbo ibnawa den munne, yaunewa mu kukaeba muma me mu mukut ayawa. Me gare mame di God oraiwa meuma toewan muntan oya, God mekut oraiwa toewan muntan oya, Iesu gumbe anotumat aivi abnawa me God awanivi oraimina God namive ag toewan muntan oya.

Kuiyawa Gwangwan aigimtanwa gumbe, bira da oma den ane oraimina ape God namive. Megara Gwangwan gumbe kukaeba numa yaug anota.

Kuiyawa mamaib tene. “Bira da God namive oraiwa onan. Da desirom onan. Bira da den yaug anobodne. Bira da God oya den didimama aivi. Undag daieve amiya sira ebu muma waropiyaya, sira undag kukaeba gumbe toboraya. Bira da den oraiwa aivi. Da desirom onan.”

Nu ano numa mameib. Apan oraimina God namive apewa Gwangwan aug atanwa gumbe onan. Me anotumat gumbe.

Onan di, me den onanape. Iyayapan undag ugauga igiyawa meib nu dirum watawa, nu watanit di, “God me anotumat abnawa.” Mamaib tene, “Ge gae geuma gumbe oraivitwa auwa, sira pui gempewa me matai auwa.”