Popularni biblijski stihovi iz Matay 24

Podeli

Na g’ômwanja w’ibuṉa s’ipava, itonda s’awenge si be poṉa. Ndô ayè yi be kongwa kwanga gô ntyay ayè be sungiṉô.

Ni ntyangô mbya yiṉo y’iṉongo yi be kambiṉô gô ntye yôdu, gô dwaṉ’ôyeṉi gôr’aṉongo môdu. Gambèṉè ntyay y’abya.

Aṉwè be jogo g’ômwanja w’agoṽi n’intyangô s’agoṽi; azugyazugyôṉi, konde isam̃u yiṉo yi dwaṉa n’isolo gô bya. Ndô ntyay yi pa twa.

Konde iṉongo nyi be kum̃aṉa gô nwa n’iṉongo, n’ivenda gô nwa n’ivenda, e be dwaṉa kè njaṉa n’isugyazugya si ntye gw’imbôra. Ndô isam̃u yiṉo yôdu n’ipakilya si njuke.

Ôrôṽa ni ntye yi be pyagaṉa, ndô agambi mam̃ m’avyagaṉe du.

Konde awenge wi be bya gw’ini nyam̃, awulya inè: Myè ne Krist. Na wi be temiz’aṉag’awenge.

Vovo aṉwè be nozô gô jeṉizô azingô, ko ṉwè jôṉô; n’aṉwè be numbô n’aṉongo môdu g’ômwanja w’ini nyam̃. Egômbe mè kè awenge wi be bendyô, ko waô piṉaṉa, aṉumbaṉa. E be nongwa kè ivogisi y’inôka imyenge, ko waô temiz’aṉag’awenge.

N’awiṉizô waô ne Yesu inè: Ṽandam̃iṉaṉi ko aremizôṉi n’ôm’edu.

Yeṉo kè lwaṉaṉi keka pa kè konde Ômwaṉa w’ôma e be bya gw’igwèra nyi re ṉw’avikilye.

Sambô ṽèmbagaṉi, konde aṉwè pa mye ntyugu yi bye Reri yaṉi.

Ndô g’ômwanja wi ntyugu n’igwèra, e zel’ôma wi mya, ge iyenjèl s’ôrôṽa, ge Ômwaṉa, ndô kaô Rerè dadyè.

Konde e be bôm̃unya ikrist s’inôka n’ivogisi y’inôka, ko waô dend’isam̃u yi mamô ni lemba vôlô, gô temiza, ja y’ajolyô, vangaṉe mongi wi re pinjô pa.

Ga nt’arweṉi gw’egômbe zi Nôa, yeṉo be twa kè gw’ibya s’Ômwaṉa w’ôma. Konde ga nt’avegagi waô intyugu s’eṉingô evôlô ṽyagaga ro, nyagaga, ni njongaga, njômbaga ni njômbizôgô, kwanga gô ntyugu y’ayingiṉi Nôa g’ôwatanga; ko w’amya kwanga gw’aṽyeṉi eṉingô evôlô, ayiliza waôdu: yeṉo be dwaṉa kè ibya s’Ômwaṉa w’ôma.