Popularni biblijski stihovi iz Mattayo 18

Podeli

Amu handu weri kana watatu weoho wekiwunganyika hena izina langu, niho nioho ghati na ghati yawo.

Namburrawa, ti weri wenyu weneikawearehana masangeni hena kindu chose weneomba, kineoka hawo hena Apa wangu eoho wanga.

Akaitanga kamwana akamgera ghati yawo, Akaghamba, Kididi namburra, ti msikachwe‐mti muoke sa waana, tomuneingia na ufumwa wa wanga.

Amu ii ose enekuseja mwenye sa kamwana aka, uu niye mbaha ghati ya ufumwa wa wanga.

Na ose euhia kamwana kamwe sa aka hena izina langu, eniuhia mi.

Kididi namburra, Vyose muneikamuvichunge masangeni vineoka vyachungwa wanga, na vyose muneikamuvichungua masangeni vineoka vyachunguka wanga.

Huwo na Apa wangu wa wanga enemketa unywi, msikashighie mundu ose mundwawo ngoroni henyu.

Na ose emtekwesha mwe wa awa wadongo weniitikija mi, keba hena ye, ibwe la kushaghia ibaha lichungwe singoni hakwe, naye amerukijwe ghati ya mawongo ma ndiwa.

Mwawonaze? kwakicha mundu awona maghonji ighana, na imwe lawo lineteka, temashigha mala makumi kenda na kenda, na atonga nduwini, na alienda lila lateka.