Popularni biblijski stihovi iz Mark 1

Podeli

Sissiya ḵade anggiḵbot, bummangon aḵ Jesus woḵ ummoy atte bumbummaaw ta umoy alluwaḻu.

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Tummoḵwaḻ ḵad aḵ Jesus si danum, daguse innilana'd langite nabuḵtan ya sa Ispiritu Santu we dumoḻadoḻae isunan kalapati woḵ nansap-oy ḵan siya. Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”

Yaḵon saḵon ḵad, bonyagaḵ diḵayu si danum. Siya ḵad, bonyagana diḵayu'tte Ispiritu Santu.”

Pun ḵanana, “Tun-udonaḵ ta ambalinoḵ diḵayu'ḵ disipuluḵ ya tuttuduwaḵ diḵayu si inonyu we angiyadani'tta tagu we amati ḵan saḵone isun ni inonyu we anabuḵuḻ atta ugadiw.” Pun daguse imbadongda da tabuḵuḻda woḵ nitun-udda ḵan siya.

Pun nataag da tagu'tte inonae nantuttudu te nantuttudu ḵan didae isun ni osae anna ḵaḻabbongana ya daḵampun aḵ isun da mimistulun ni lintog.