Popularni biblijski stihovi iz Walumi 4

Ninga Abulahamu yali yasina wukangamyanje ku so wihuwizo wo Mulungu, yakatuga vilungo ku soko yo wihuwilo, nayo yakamukumya u Mulungu. Yali yamanyiye lukulu vyono, u Mulungu kosuma kuzifisiliza zono yehuwiza.

Nha vyono Mandiko Gono Gelile gakulonga, “Nghuwika ho wuwe sogwe we zinghungugo nyinji.” No wihuwizo wuwo wo we mbeka hali Mulungu mono Abulahamu yamwihuwila. U Mulungu mono yakuwawumifya i wafu, na kanyhi kavitambulaga i vinhu vyono vili hasina, navyo vikuwa.

U mwene yalavywa ho yawulagwe ku soko yo wubi wetu, kanyhi yakazukulwa, ase ho cisume kuvumilwa hali Mulungu.

Ninga Abulahamu yehuwila kanyhi yaketumbila, kuli zono zali nghamu ku witumbile, nayo holeka yakawa sogwe we makungugo menji, nha vyono gakutya i Mandiko Gono Gelile, “U lulelo lwako, wowa wenji kotya zinyelezi.”

Ku soko yiyo holeka, inghani yiyi yili mu wihuwilo, na holeka no wihuwizo wuwo wuli so wanhu wose, si kuli walya du wono wakuwituma Wulajilize, langa wuli na kuli walya wono wakuwumipa so wihuwilo nha vyono Abulahamu. U mwene yo sogo yetu sese wose.

“Wamoti wono waneneywe masutya gawo no wubi wawo wufunicizwe. Yo mumoti munhu mono u Muwaha si yakuwukumbucila u wubi wakwe.”

Hambi i Mandiko Gono Gelile gakutya wule? “Abulahamu yamwihuwila Mulungu, Nayo Mulungu yakamuvumila kuwa we ling'ani.”