Popularni biblijski stihovi iz Mataji 18

Podeli

Pakuva ngana vilundanila mwitavwa lyangu, nde vavedzage vavili nde vavedzage vadatu, apo najune ndili pagati baho.

Kangi unene ndikuvavula ukuta: ngana muli vavili, mwilongye ulwa kwegemana pasi apa ukuta twińilikile kinu, kye kivedzaga, udâda uva kukyâńa alavapēla.

Neke baho umwene neke amukemelage umwâna neke amuvikage pagati neke akŏle mukuvavūla neke atigilage: ndakyene ndikuvavula unene nditigila: ngana musili navo uvupilukila-kuvwâna, apo musilingila kuvutwa vwa kukyâńa.

Neke lino, je akwilēvedza mwene neke ahambukage ngita mwâna, je mwene je alingila kuvutwa vwa kukyâńa.

Neke ngana je ikumwanukila umwâna jumwinga j’ali nde uju, ngana ikum wanukilila mwitavwa lyangu june, apo kwe kuva andzanukye unene.

Ndakyene unene ndikuvavula nditigila: vonda, ve mukuvâvika uńeńe pasi apa, vivedza vāvike nakukyâńa; neke na ve mukuvāvŭla uńeńe pasi apa, vivedza vâvŭle na ku kukyâńa.

Najuńe udâda kukyâńa alagita ndesi, ngana musikwivodza uluhuma-munumbula dzeńo najuńe navańa-ṅolo veńo.

Neke lino je ikumwa-mbudza jumwinga va muvadebe avańa-kufuvwa ukwangu, ujo luvagye vamukunge nulwala musingo neke vamwikilidzage pavunipa vwa ńandzapasi.

Uńeńe apeńo apa luli ndavuli? Nani umunu, je i nadzo iṅolo ligana (100) neke ngana jibagwike jimwinga, vona alabihila pakudzileka idzingi pakidunda, idzili makyumi gali gôndza na dzili gôndza (99), atale asakule ijijagile?