Popularni biblijski stihovi iz Mateus 18

Pun ia ruoman ika ülüman ra chufengen ie fän itei, ngang üpwe nonom lefiler.”

Iwe, üpwe pwal ürenikemi och: Are ruoman leimi won fanüfan ra tipeeufengen won och mine repwe iotek won, epwe torikemi me ren Semei lon läng.

Iwe, Jesus a körato eman semirit o aütai lefiler. A apasa, “Enlet üpwe ürenikemi, are ousap kulsefäl o wewe ngeni eman semirit, ousap fokun tongeni tolong lon Mwün Läng.

Iei mine iö a püsin atekisona pwe epwe wewe ngeni ei semirit, i ewe mi lap seni meinisin lon Mwün Läng.

Nge iö a etiwa ei sokun semirit fän itei, i a etiwaei.

“Enlet, üpwe ürenikemi: Mine oua pinei won fanüfan epwe pinepin lon läng, nge mine oua mwütätä won fanüfan epwe mwümwütä me lon läng.

Iei usun mine Semei lon läng epwe föri ngeni eman me eman leimi, are ousap amusala tipisin pwimi seni lon letipemi.”

“Are eman aramas epwe föri pwe eman lein ekei kükün mi lüküei epwe föri tipis, epwe fen öch ngeni ewe aramas pwe epwe riritä fän üan eföü fau mi föümong o kokotiu le alololun matau.

Met oua ekieki? Are eman aramas a nöüni ipükü sip, nge eman leir a mwalechela, ifa usun, esap likiti ekewe tiwe me tiweman won ekewe chuk pwe epwe feila o kütta ewe eman mi mwalechela?